SHAHKÜP 24:15 - DAÜLANGPÜ LAIHING (BSI)

¹⁵ Nyihjeih vanghe mangshü shekü nanglat shuohtüktuh; mehenangkü büpai hapa bhei itnyüke. Hei nevaijema büpai am khüei Shembüpa kü lenhen hatü am mang thahhen.

SHAHKÜP 24:15 Referans Kwoze

LEVI 19:13

Ammei chingyowpa kü telutelem nevaijü tegüh. Nepphei thahshi ammei kahlei nang shapü kü lat neshuoh-i tetuh.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

JEREMIAH 22:13

Üpai laophülei shem shahhing ne-e-i venya, hatü shahshemi shem jaan mü jaan mü venya, laophülei shennyak kü lat neshuoh-i angkü shem vehünya, onyükei.

SHAHKÜP 15:9

Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai Shembüpa kü am khüei lenhen hatü am mang thahhen.

JOB SHAHSHA APPÜ 35:9

Shüveidoidei ahshi nyujü shennyakthü leneiwongnyeih, jomphongi wong kohpüthülei lakmong kübü yangpü naei khümnyeih.

JOB SHAHSHA APPÜ 34:28

shejao jom homei taopathü theppüyoungpü büpalei dhaongi danhü, hatü nehahneyingpüthüi lenpü büpai danhü.

MARK 10:19

Nüngi ha shahkung nyingei nyüke: Nüngi tejü; nüngi mükbongjuyung tedük; nüngi tegüh, nüngi shahshem denpü teshuoh; nüngi te-ühing; anyü hatü ampa kü dhüm shuohtuh” shei e.

MATHI 20:8

Mechem om dhüpa, kah shembüi büpalei dou veibü kü, “Nang shapüthü shomshi shapü kübü pangei shongei shapü thahshi nyükei jomei nanglat yah-eishuoh” shei e.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

MENVIH KESHO 86:4

Nüngei chongphobülei laangha mongonghütuh; Oh Shembüpa, ngelei laangha nüng kü ngangei veinyeih.

MENVIH KESHO 25:1

Nüng kü, Oh Shembüpa, ngei ngelei laangha ngangei veinyeih.

MENVIH KESHO 24:4

üam lak hatü mongdang daülangi nyu; üami pü lajei kü nekhüm, nevaijü shahshemi nelahnya, hathü yaongaokhen.

JOB SHAHSHA APPÜ 31:38

Ngelei kahdoki ngei khüei lenjema, hatü han hoktükpü kahdoki chemi thepjema,

1 TIMOTI 5:18

Mehenangkü Laihingi, “Hah tenpü mohoh-ei ju kü tuw tethuh” hatü “Dou dükbü-ü nanglat danghen shangpeih” shei enyüke.

LEVI 25:35

Jempü Israel shennyak taoei laophü nyingi nesheüh-aoki leijema, benha kü kei am mü nyuhen shingvaishi lakeiloiyei nyuhen nyushing yah-eishuoh.

JOB SHAHSHA APPÜ 31:13

Ngei ngelei nyüha hatü baha aathüi ngei kü jomei tok eshingkü ngei jiüpü nedükshuoh-i nyujema,

JOB SHAHSHA APPÜ 7:2

Aa hük vangdhüm yempü keiha, nevaijü nanglat shapüthüi nanglat omdanpükei,

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.