SHAHKÜP 22:8 - DAÜLANGPÜ LAIHING (BSI)

⁸ Mechem ammi shem ja vehenshang, shem adok kü baila shinei yaongpe showtüktuh; hajü mon shennyak hanei shem adok leipü vüei dijü am kü mang nekohen.

SHAHKÜP 22:8 Referans Kwoze

MARK 2:4

Khong ahdaipü nangkü jomi shem adok yamtüktü jomi büpa lüngei lemhütü chongei sheüei shanshih.

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?

2 SAMUEL 11:2

Nyih hük om hepak kü David shipü paoei shem adokei aongei kamteiyei nyu. Shem adok shangeipü büpai nyüha hük hangha lakei ee. Hapa nyühayü longi nela meipü nangkü,

1 THESALONIKA 5:22

ten lemphü kübü yanei nyutuh.

PHONGSHANTHÜ DOU 10:9

Nyihphei haümhah hepak kü jomphong yen daipü chingnyü ngoiyaki Peter shem adokei phopnüng aong.

MATHI 10:27

Ngei nyak kü am kü mehe enya, ha nyihnüng eyeishuoh, hatü mehe ammi nümei epü dannya, ha shem adokei aongei leneishuoh.

MÜLANGPÜ 22:6

Shennyak hanei-i laophülei kah kü aw hapshingkü phenha kü aw daiyei mih-ei kah leipü sheili kohpü nevaijü vetei bhongpü hahtükjema, aw happü shennyaki peü shemhen vongbong.

EZEKIEL 3:20

Shao daülangpü shennyakthü daülangpü lem tuhphongtü mang thahjema, hatü ngei jom kü shanghah vongshüh shuohjü nüngi jom kü shahvüng neshuohjema, jomi jomei mang tata kü dihen, hatü jomi dükpü doumei ngei deih-ei nedanghen, shejao jomei iy nüng kübü yühen.

EZEKIEL 3:18

Mechem ngei nemeipü shennyak hük kü, ‘Nüng hingmei dihen’ shei ehenshang büpalei yangnyu yanghen shingvaishi nüngi shahvüng neshuohjema nevaijü mang lem kübü yanhen ne-eshuohjema, hathüyü laophülei mang lat dihen shejao jomei iy nüng kübü yühen.”

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,

1 KORINT 10:32

Jehoda am kü vaituh, Greek am kü vaituh nevaijü Kahvangei attoi kü vaituh, huluh teshuohhü;

ROM SHAHSHA APPÜ 14:13

Hanangkü jen hüki hükei shah nephenshah, shejao ha nang jeiyei mih-ei lem kü huluh yaong nehaühen nevaijü lem nebangteihen deihshah.

SHAHKÜP 22:7

Am meishi nyuhen hatü yangnyu shoshoshi nyuhen shingvaishi ami ouha yahhen aok, shejao ounyüpa deishihtuh.

SHAHKÜP 22:9

Ammei nyalingngupai kah kü sheili lem nyi chem kü teshei; hapakei sheijema, nyalingngupai nevaijü lebü sheili kübü betjük nevaümhen.

1 SAMUEL 9:25

Mechem jomphong moidü leipü jilalei yiüpa, shem jaandokei shinshing hük tem, hatü Saul halei paümteke.