SHAHKÜP 21:23 - DAÜLANGPÜ LAIHING (BSI)

²³ amphongi hapa mahng vangnyak kemei pülei sheüshi tetuhphong. Büpa ha nyih-üng vütüktuh; mehenangkü üpa pü kü sheünya, büpa Kahvangei thaüvaü phangkü nyüke. Shembüpa, ammei Kahvangi am kü mükjüp shuohpü kahdok nyeteinyangei tetuh.

SHAHKÜP 21:23 Referans Kwoze

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

JOHAN 19:31

Hapa nyih-ü Tempülempü nyih vaipü nangkü Jehoda ami Sabbath nyih shophangei mahng netuhhü; mehenangkü Sabbath-ü longi daülangpü nyih nyu. Hanangkü jomi Pilat kü shophang kü appüthülei la bhagei veitü mahng yahlanghen shingvaishi pheteke.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

LEVI 18:25

Jomei douteni kahdokao nedaüi leihüpeih; hanangkü ngei jomei mang nangkü ngei jom kü hanghi shuohpeih, hatü kahdoki halei nyupüthü bhaitükpeih.

ROM SHAHSHA APPÜ 9:3

Ngelei iy hatü ngelei phai jeihinaüthülei men kü ngei kü Kahvangei thaüvaü nyemhet, hatü Khrista toueipü nyemkatitük shei deihpeih.

BHEI-IE 25:4

Shembüpai Mosa kü, “Israel amei mübüthü kemei müei deiyei jütükkemtuh hatü Shembüpa tou kü vanghenyü kü yeemeishuoh; shejüang Shembüpai nanglakthü kü mongshihpü dohdaihen” shei e.

JOSHUA 8:29

Joshua-i Ai amei ongpa pü hük kü shentü om dhüshi sheüphong, hatü vanghe shüshingkü büpai ngeükhüam shuoh-ei hapa mahng yah-ei chingei shüpü penyüsha touei yakphong, hatü ha shangkü yaong longi thaiyei shüngphong hatü ha shinnyih thahshi nyüke.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

JOSHUA 7:12

Hanangkü Israel ami vepathü khüei neyangaoki nyemei nyaipü khih; hanangkü jomphongao mahhen shangteke. Ngei teyah shei epü dou amphongi nemangtükpü thahshi ngei am mü nenyuküpih!

2 SAMUEL 21:6

büpalei hapeüthü jom nyet hamei lak kü yahshih, hatü hami Shembüpalei kahshang Gibeonei Shembüpa touei jühen hih” shei e. Ongpai, “Ngei jom yepei yahphahen hih” shei e.

SHAHKÜP 7:26

Ammi laophülei shemei henüng jiühitbenüng yah-ei telei; hei nevaijema hathü keiha amphongao mahtükhen. Hathü kü chemjalak kü jiühittuh hatü yaktüktuh; mehenangkü hathüyü mahtükhen shingvaishi khaatei tuhtükpü nyüke.

2 SAMUEL 21:10

Hahepak kü Aiahlei yiükha Rizpah-i dhoila ashak yah-ei pinnyü shing yaongnyü shangkü tapshaü lingtü mahngthü yomei hatvet chongpanghinüng bang hepak vang mangkei thahshi nyihnüng asha alang nepeihüi hatü yanüng yemhamakha nepeihüi yomei nyu.

EZEKIEL 39:12

Kahdok daühühen shingvaishi Israel ami mahng vüpü lenyang nyet yahhen.

SHAHKÜP 4:21

Am nangkü Shembüpai ngei kü mongshih, hatü kahcheü kohpü kahdok, Shembüpa, ammei Kahvangi am kü shuohpü kahdokei ngei Jordan yung homei nedeishihpih shei eteke.

SHAHKÜP 25:19

Mechem Shembüpa, ammei Kahvangi am kü mükjüp shuohpü kahdok kü shonei nyupü vepathü kübü yangei nyuhen, vangsho phangkü üpaiyao deih-ei nedanghen shingvaishi ammi Amalek am jütüktuh. Ammi hapa tebetük.

2 ONGPATHÜ 10:8

Mechem phongmokbü Jehu ngoipa, büpai Jehu kü, “Hami ongpalei hapeüthülei shangjing deiküpeih” shei e. Hahepak kü Jehu-i, “Hathü kemei nepnüng dhom thahshi chingnyü penyüshalei khong nyi khongei haütuh” shei e.