18 Shennyak hükei mong vaanpü hatü nyühipai nyuhjao jomphongei shah nebangpü, nyühipa mü khüei yaongpü hapeü nyujema,
Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”
Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.
Mehekei ammi hajük lak hahhen yemnya? Mehekei ammi nedoh-i khüei yaongnya? Ammei shangjingü makawi madaiteke, ammei mongdang kü mongshangpü nyüke.
Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.
Mük, mepai laophülei pa kü naamei veinya, hatü laophülei nyüven lenya, kahjilei nyupü ashathüi büpalei mük luklanghen, hatü alangthüi ha hahtükhen.
Hapeü ungei-aeituh, hatü büpai nüng kü nyiushemmei yahphahen; büpai nüngei laangha kü mongong koei leikahen.
Hanei-i laophülei nyühipa kü thaüvaüjema, nüngei yangnyu vangnyak kü awdük metdaipükei ponghen.
Linghen hepak kü jiüshi hapeü ungei-aeituh; shejao jom lomohhühen nüngi teyem.
Ngei nüngei iyjeiphaileipü ngei daüphüjao, nüngi nüngei nühinam kübü daüei nenyu. Hanangkü ngei nüng kü mongshihpü hüshemei mangdük thahshi sheyü nüng nedaühühen.
Hapa chingnyü kü nyupü peüi nyühipa kü dhüm neshuohnyu; hapa chingnyülei nyupü benhayahathü leipü aeteishenyüke; hashihha hatü vaümnyüthü nyongtüknyüke.
Ephraim ami khümei epü ngei dantepih: Ngeiyü han hokhen mangnyuhpü mohoh cheha kei nyushingkü nüngi ngei kü nyuh, hatü ha ngei nyingei yahpeih. Ngei müei leituh, ngei nyokei leiküshah, mehenangkü nüngü ngelei Shembüpa Kahvang.
Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.
Shennyak hanei-i laophülei pa kü thaüvaüpü, hatü hümlungnyü kü moihiman neshuohpü nyüke.
Üpai laophülei nyühiha leipü güh-ei yahtü, “Hapayü pungpü nevai” shei ehenshang, büpayü ten dükpülei mongjempa.
Nelinebaongpeyü hashih hük kü nyunyüpeih, shejao ungei-aeipü lüng homei ha tailuei changtüknyeih.
Ngapai nyühipai nyuhpüvenpü yaktüknyeih, shejao yeanpü kü lipai kenhingmonghapü hunyüpeih.
Üami laophülei hapeü kü hanbhi nebheinya, jiühitpü leinyüke, shejao bampüthüi hapeüthü ungei-aeinyüpeih.
Ngelei hapeü, ampai nyuhpü bangtuh; anyüi venpü teyakphong.
Ngei büpalei pa vaihen hatü büpa ngelei hapeü vaihen. Mechem büpai mang thahhen, ngei büpa kü hangkulei nyiamlüngi hapeü kü pa-i bheipükei bheihen.
“Nyühipa kü dhüm neshuohpü shennyak kü thaüvaü hettuh”. Hahepak kü nanglak peüi, “Amen!” shei ehen.
Pa hüki laophülei hapeü kü nyuhpü venpükei Shembüpa, ammei Kahvangi am kü nyuh-ei venpeih.
Ngongpalei yiükha hük büm yuei nedaünelangi leijema, pinnyüi chepa veühüteke; pinnyü-ü aw kü jaktükhen.
Üpai laophülei nyü hatü pa kü thaüvaühenshang jütüktuh.
Üpai laophülei nyü hatü pa kü üphenshang jütüktuh.
chenyü chepai büpa yepei jomei jila kübü penyüsha touei mübüthü touei müei deihen, hatü dokhühen.
Mehenangkü den shingvaishi ngei jomei shemong kü hanghi shuohhen shei ngei büpa kü etüktih, hatü hapa mangü büpai nyingei nyüpeih; mehenangkü büpalei cheha nyi-i Kahvang ne-ienelemi dükpeih hatü büpai ha kü tah shei ne-epeih.
Shejao hapa nanglakthü kü vaanpü, hatü khüpü mongdang nyüke; jom yaakei lüdaiteke.