SHAHKÜP 18:18 - DAÜLANGPÜ LAIHING (BSI)

¹⁸ Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.

SHAHKÜP 18:18 Referans Kwoze

JOHAN 8:28

Hanangkü Jisui jomphong kü, “Mechem ammi Shennyak Ha shangei lungei anshihhen, hahepak kü ammi ngeiyü büpa khih shei nyinghen, hatü ngei mongpü meheyao nedüknyih, shejao Pa-i ngei kü epü douthü jung enyüpeih.

SHAHKÜP 18:15

Shembüpa, ammei Kahvangi am shingvaishi ammei nanglak khong kübü ngei keipü thibü hük shomphahen. Amphongi büpa kü bangtuh.

JOHAN 4:25

Ha nyühai, “Messiah lappai, Khrista peikünyüke shei ngei nyingnyüke, hatü mechem büpa peihen, büpai ham kü lemphü ephahen” shei eteke.

LUK SHAHSHA APPÜ 24:19

“Mehe douthü?” shei büpai jiji kü phe. Jijinyi-i, “Nazareth am Jisu nang” shei e. “Büpayü thibü hük, shah kü hatü dou kü Kahvang hatü nanglak peü touei wong kohshi nyuhampeih,

JOHAN 1:45

Philipi Nathanael pongei büpa kü, “Hamphongi Nazareth am Josephei cheha, üpa jung Mosai shahkungnyüthü kü hatü thibüthüi eyei nyu ha pongtepih” shei e.

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

ISAIAH 51:16

Ngei ngelei shah ammei ju kü shihtepih, hatü ngelei laki dhümshi am yangpeih; Vangshothü paanei deishih, hatü kahdoknyü chongnyiam yaong sheitük, hatü Zion kü, “Amü ngelei nanglak” shei epeih.

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

1 TIMOTI 2:5

Mehenangkü Kahvang hük nyüke hatü Kahvang hi hangku aa kü baong kü shapü hük mon nyüke, hapayü shennyak, Khrista Jisu.

JOHAN 17:18

Nüngi ngei kahdoknyülei shompükei ngei jomphong kahdoknyülei shomnyüpeih.

JOHAN 15:15

Ngei hajük kü amphong kü aathü shei nenyüknyih; mehenangkü shembüi mehe düknya, ha aa hüki nenyingnyih; shejao ngei am kü küphüthü shei nyüknyeih; mehenangkü ngei Opa leipü danpü peü ngei am kü nyinghütepih.

MENVIH KESHO 110:4

Shembüpai ha lahteke, hatü büpalei mong neyeiyahen, “Nüngü Melkizedek aimü düngei ngongpa vaihen.”

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

HEBREW 7:22

Hapa lahpü nangkü Jisu-ü meipü vangpüshuwpü shuohbü leiteke.

ISAIAH 50:4

Jeiyong Shembüpai nyiupünangpüthü kü mehe eshuohhen ha ngei kü nyuhphopeih. Nepjeih büpai ngei thahümahünyeih, nyuhbüi nyuhpü kü banghen ngelei dhaong thahünyeih.

SHAHKÜP 33:5

Mechem mübüthü hatü Israel jatthü thaipa, büpayü Jeshurun shak kü ong vaihamteke.

BHEI-IE 12:13

Hanangkü Mosai Shembüpa kü lenei, “Oh Shembüpa, pinnyü meitükeishuoh” shei phop.

SHAHKÜP 5:5

Hahepak kü amphong aw kü nyemei kahshangei ne-aongpü nangkü ngei, Shembüpa hi am aa kü yaongtü büpai mehe epa, ha ngei am kü eteke.” Shembüpai eteke:

JOHAN 1:21

Jomi büpa kü, “Shejema nüng üpaang? Nüngü Elijah je?” shei phe. Büpai, “Nevaipih” shei e. Nüngü thibü je? Büpai, “Nevaipih” shei jang.

JOHAN 1:25

Jomi büpa kü, “Shejema nüngü Messiah-ao nevai, Elijah-ao nevai, nevaijü thibü hükao nevaivai-i mehekei baptüknya?” shei phe.

JOHAN 12:48

Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

PHONGSHANTHÜ DOU 3:22

Mosai e, “Shembüpa, ammei Kahvangi am shingvaishi ammei nanglak khong kübü ngei keipü thibü hük vamhühen. Büpai mehe mehe ephahenshang ammi ha bangtuh,

PHONGSHANTHÜ DOU 7:37

“Kahvangi ngei ngaihüpükei büpai am shingvaishi am nanglak khong kübü thihivam hük vamhühen” shei Israel am kü epü Mosayü hapa hih.

MÜLANGPÜ 4:12

Shaang, layaongtuh, nüngi epü kü ngei sheühphahen, hatü nüngi mehe eshuohhen ngei nüng kü nyuhphahen” shei e.

MÜLANGPÜ 4:15

Mehe mehe ehen nüngi büpa kü eyeishuoh; ngei anjiphen kü mehe ehen sheühphahen, hatü anjiphen kü mehe dükhen ngei ephahen.

BHEI-IE 23:5

Shembüpai Balaam kü mehe ehen nyu, ha eshuoh, hatü “Balak touei nyokei leiyei hapa shah eyeishuoh” shei eteke.

SHAHKÜP 34:10

Israel kü Mosa kei thibü üpayao nevamangpih; Shembüpai büpa mü dhe dhe gongei eteihampeih.

ISAIAH 51:4

Ngei epü bangtuh, ngelei nanglak, ngei epü kü kenhingtuh ngelei jatli. Ngei leipü nyuhpüvenpü daihen, ngelei shahhingü jatthü shing vangngai leihen.

JEREMIAH 1:9

Hapheikü Shembüpalei lak ngei touei peiyei ngelei ju kü hongtü e, “Shaang ngelei shah nüngei ju kü shihtepih.

AMOS 2:11

Ngei ammei hapeüthü hanei thibü vaihen, hatü ammei nethethü hanei Nazirit vaihen jeyei longpeih. Hayü jiüpü nevaipü je, Oh Israel? shei Shembüpai enyüke.

BHEI-IE 23:16

Shembüpai Balaam kü mehe ehen ha eshuohteke hatü, “Balak touei nyokei leiyei hapa shah eyeishuoh” shei eteke.

HOSEA 12:14

Shejao Ephraim ami Shembüpa shahyaki mongshihhüteke; Hanangkü jomei Shembüpai jom iy-aongmashateipü mang jom shak kü tuhphonghen, hatü jomi büpa kü ne-ienelempü nanglei nyokei danghen.