SHAHKÜP 17:8 - DAÜLANGPÜ LAIHING (BSI)

⁸ Ammi shahphenpü uoshingei nedanteipü hanei koei peipüiy-aongmashateipü nevaijü mophimo heanlem nangkü aetteipü, nevaijü üpteilenteipü nang ammi shahphen neshuoh-aokhen mü vamjema, Shembüpa, ammei Kahvangi jepü khümshingei yah-ei deituh,

SHAHKÜP 17:8 Referans Kwoze

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

HAGGAI 2:11

“Jeiyong Shembüpai ha enyüke: Shahkungnyüi mehe enya, ha ngongpathü kü phehümao:

SHAHKÜP 1:17

Baong hanei shah tephen; üpa vaihenshang vaijao longpü maanpü aihük mü notuh. Üpa kao tenyem; mehenangkü amphongi shahhingi shahphen shuohpeyü Kahvang leipü nyüke. Amphongi nephenaokhen mü wongpü shahhidou nyujema ngei touei deikei hatü hapayü ngei phenhen.

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

SHAHKÜP 19:17

nedanteipü shennyak nyiphen khümshing hükei ngongpathü hatü shahphenbüthü hahepak kü dou dükei nyupüthü touei shahphenhen peihen.

SHAHKÜP 19:4

Shennyak hüki shelei meheyao nedanteipü neshiüpü kü shennyak hük nenyingi jütükjema, büpa sho yanghen shingvaishi laongei daiyei nyuhen nangkü hapayü shahkungnyü nyüke.

BHEI-IE 35:16

Shejao shennyak hüki hanei kü nyiami bheitü jütükjema, büpayü shennyak jüpü am nyüke; hapakei büpayao jütükhen.

BHEI-IE 35:11

shennyak hanei-i nenyingi mih jütükjü laongei daiyei shojohen shingvaishi shojo ching jetuh.

MÜLANGPÜ 22:2

Gühpa hük nyak kü mih-ei shem apei shüpü yepei jütükjema, büpa jütükpü shennyak kü jüpü mang neshiü.

MÜLANGPÜ 21:28

Mohoh-i shennyak hanei kü dishi hokjema, hapayü yaongi shükei jütüktuh, hatü hapalei phai nehahhen; shejao mohoh shembü kü hanghi neshuohhen.

MÜLANGPÜ 21:22

Mechem shennyak hanei-i deyei büm nekongpü nyüha hük kü üptü naü jütükhenshang, shejao hapa naü dipü mü lenei chenyüi hayaoha ma yahpü neshiüjema, hapa nyühalei chepahai mehe yühen, shahphenbüthüi itpüshük hang ühhen vongbong.

MÜLANGPÜ 21:20

Mechem aa shembüi laophülei baha nevaijü nyüha aa kü üphen, hatü üppü shingei-üng shükshi didaijema, büpa hanghihühen vongbong.

MÜLANGPÜ 18:26

Düngei jomi nanglakthü shingvaishi shahphenbü vaiteke; wongpü shahhidou jomi Mosa touei deiteke, shejao ashüanyong nedanteipü kemei jomi phentükteke.

MÜLANGPÜ 18:15

Mosai Jethro kü, “Nanglakthüi Kahvangi mongpü nyinghüei ha phehahnüng peiküpü nangkü ngei ha düknyüpeih” shei e.

MÜLANGPÜ 22:8

Shejao gühpa neyepaokjema, hapa dou jaopü shennyak Kahvang khümshingei deiyei ngei küphülei dou negüh-angpih shei vanghühen vongbong.

SHAHKÜP 12:11

Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

SHAHKÜP 25:1

Mechem shennyak nyi dehenshang, hapayü shahphen shingei deihen, hatü shahphenbüthüi jiüpü shennyak dah shakei hatü nejiüpü shennyak nyonghüei shahphenhen.

EZEKIEL 44:24

Dehilao kü jomphongü ngelei shahkung aimü shahphenbü vaihen; mohitap peü nangkü jomi ngelei shahkung hatü vanglemthü peü jiüshi nohen, hatü jomi ngelei Sabbath nyih daülangi tuhhen.

SHAHKÜP 12:14

Am jatthülei kahmük hükei Shembüpai jephopü shingei mon ngei am kü epü lemphüli moilatuh.

SHAHKÜP 21:5

Shembüpa, ammei Kahvangi büpa chongphohen Levi am ngongpathü jepü nangkü jom sheshalei heih-ei Shembüpalei men kü moihiman yühen, hatü nedanteipü lemphüli jomphongi shahphenhen.

2 SAMUEL 15:2

Büpai nepnüng dhom mü lomi paoei chingnyü penyüsha lemei aongpü lemhaoei yaongtü mechem shennyak hanei-i ongpa touei shahphenhen mü shahhidou koei peijahenshang Absalomi büpa kü nyüktü, “Nüng mepa shingeipü peikünya?” shei phehamteke. Mechem hapa shennyaki, “Nüngei chongphobü Israel jat hapa hapa leipü peiküpeih” shei eshuohhenshang,

1 SHÜPPÜKENGPÜ 26:29

Izhar am kübü: Kenaniah hatü chehathü keyü phopshem leipü dousho nevai shejao Israel am shak kü lakchongbü, hatü shahphenbüthü vaihen han.