SHAHKÜP 17:20 - DAÜLANGPÜ LAIHING (BSI)

²⁰ hatü büpalei jeihinaüthü mü büpa-üng meipüba shei nedeihhen, hatü shahkungnyü kübü nyonghidah kü neleplükhen. Hajü mon Israel kü büpa hatü büpalei hühihathüi hapa ongching kü yülushi vanglem lemaokhen.

SHAHKÜP 17:20 Referans Kwoze

1 ONGPATHÜ 15:5

Mehenangkü Davidi mepa Shembüpalei mük kü mei, ha dük, hatü Hit am Uriahlei nang mü lenei büpalei den kemei Shembüpalei shahkung neshai-i dük.

SHAHKÜP 5:32

Hanangkü Shembüpa, ammei Kahvangi am kü epü dükhen kenhingtuh. Büpalei shah nebangi melemeiyao teleplük.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

2 KORINT 12:7

Hanangkü ahshi longpü shakei vampü ngei eepü nangkü ngei changmeihen kübü yepei tuhhen shingvaishi ngelei phai kü hüh hük, ngei kü shüveihen Satanei phongmokbü hük ngei kü shuohpeih.

HABAKKUK 2:4

Changmeipüthü kü veihümao! Jomphongei laang nemeiang, shejao daülangpüthüyü jomphong hinglempai nyuhen.

CHONGVENBÜ 8:13

Shejao mangthüi Kahvang kü nenyempü nangkü jom meishi nenyuaokhen hatü jomei yangnyu den vangdhüm laang keiha shohdaihen.

KANDOK 27:24

Mehenangkü angpü deipü düngei nenyunyih, nevaijü ong athen denshem peü shing nevaipih.

KANDOK 10:27

Shembüpa nyempü kü yangnyu ünyüpeih, shejao nemeipüthüi denshohvanloh pongnyüpeih.

MENVIH KESHO 132:12

Nüngei hapeüthüi ngelei vangpüshuwpü, hatü ngei jom kü nyuhpü shahkung bangei dükjema, jomei hapeüthüao den kü nüngei ong uoshing kü uohen.”

MENVIH KESHO 19:11

Hathüi nüngei chongphobü kao kihikon shuohnyeih; hathü noteijü laklei nyüpeih.

2 SHÜPPÜKENGPÜ 34:27

nüngi hapa shing hatü haleipü nanglakthü nangkü nüng mong lepei Kahvang touei maanpü leipü nangkü; nüngi maanpü leiyei nüngei ashakviha shaakei ngei touei theppü nangkü ngeiyao nüngi phoppü dantepih shei Shembüpai enyüke.

2 SHÜPPÜKENGPÜ 33:23

Shejao chepa Manasseh-i mong leppü keiha büpa Shembüpa touei mong lepei nelei; Amoni mang nyeinya thah.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

2 SHÜPPÜKENGPÜ 33:12

Büpa shanghahpü nangkü büpai Shembüpa büpalei Kahvangei dhe yem, hatü chebü chepalei Kahvang touei longi maanpü lei.

2 SHÜPPÜKENGPÜ 26:16

Shejao Uzziah wong koh-ei leipheikü büpa changmeipai büpa doteke. Büpai Shembüpa, büpalei Kahvang kü hingnelem, hatü ayingshü jakpü shingei ayingshü jakhen phopshemei nyu.

2 SHÜPPÜKENGPÜ 25:19

Nüngi Edom am kü neüpeih shei eshi shaang nüng changmeinyüke. Shemei nyudaituh! Mehekei nüng hatü nüng mü Judah amao dohen shanghah yemhahnya?” shei e.

2 ONGPATHÜ 14:10

Hayü khih nüngi Edom am neüteke, hanangkü shaang nüngi changmeinyüke. Nüngi dangpü menmei kü mong hüshemei shemei nyudaituh. Mehenangkü nüng mü Judah amao omei dohhen mü mehekei nüngi shanghah vongshüh yemhahnya?” shei e.

2 ONGPATHÜ 10:30

Shembüpai Jehu kü, “Ngei hapa dükhen jiüpü khih shei ngelei mongei deihshi nyupü peü ngei nüng kü epükei Ahab am shem kü peü dükpü nangkü nüngei hühihathü denshem ali thahshi Israel ong uoshing kü vanglem lemhen” shei e.

1 ONGPATHÜ 11:36

Ngelei men kü khümhen ngei jepü shing Jerusalem Chingnyü kü ngelei chongphobü Davidei hühihathüi vanglem lempü nedoh-i nyuhen shingvaishi ngei Solomonei cheha kü jat hük mon shuohhen.

1 ONGPATHÜ 11:34

Shejoong ngei Solomonei lak leipü ongching kemei payü neyahlangpih; ngei jepü ngelei shahkung hatü vanglemthü bangpü ngelei chongphobü Davidei men kü ngei büpalei den kemei ong vaihühen,

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

SHAHKÜP 17:11

Jomi shuohpü shahphen aimü düktuh hatü ha kübü nyonghidah kü teleplük.

SHAHKÜP 12:32

Ngei am kü epü lemphüli düktuh; ha kü meheyao te-ü, nevaijü haleipü meheyao teyaktük.

SHAHKÜP 12:28

Am hatü ammei hapeüthü meishi nyuhen shingvaishi ngei am kü shuohpü shahkungthü dükhen kentuh; mehenangkü Shembüpa, ammei Kahvang touei mehe mei hatü jiüpa, ha amphongi dükhen.

SHAHKÜP 12:25

Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

SHAHKÜP 4:2

Ngei epü kü amphongi meheyao te-ü nevaijü haleipü meheyao teyaktük, shejao ngei am kü shuohpü Shembüpa, ammei Kahvangei shah bangtuh.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

MENVIH KESHO 119:102

Nüngi ngei kü nyuhpü nangkü ngei nüngei shahkung kübü lepei nelüdainyih.

1 SAMUEL 10:25

Samueli nanglakthü kü ongpai mehe dükhen büpalei dousho kemei e, hatü laitap hük kü ha nyang hatü Shembüpa touei tuhphong. Hapheikü Samueli nanglakthü laophü laophülei shemei leitük.

2 SAMUEL 22:23

Büpalei shahkungnyüthü peü ngei düknyüpeih; Ngei büpalei shahkungnyü nebangi nelepdai.

1 ONGPATHÜ 2:3

hatü Shembüpa, nüngei Kahvangi mehe nanya ha düktuh. Büpalei lemthü kü kamtuh, hatü büpalei shahkungnyüthü peü Mosa Shahkung kü nyangei nyupükei düktuh. Shejüang nüngi dükpü lemphü kü, hatü nüng daipü lem peü kü dapüshepü nyukahen,

1 ONGPATHÜ 15:3

Büpa shekü chepai dükpü mang kemei büpai dük, hatü chebü Davidi dükpükei nevai-i büpalei mongdang kempai Shembüpa, büpalei Kahvang kü hingnelem.