SHAHKÜP 17:16 - DAÜLANGPÜ LAIHING (BSI)

¹⁶ Ongpai büpa shingvaishi koyei longi ne-anghen nevaijü koyei shakhen shingvaishi nanglakthü shao Ijiplei neleishihhen; mehenangkü Shembüpai am kü, “Am ne-yei hapa lem kü nyokei neleihen” shei eteke.

SHAHKÜP 17:16 Referans Kwoze

EZEKIEL 17:15

Shejao Judah ongpai khüei yaong hatü Ijip am touei koyei hatü veshanthü yüei lembü shomteke. Büpai aokpü danghen je? Hapakei dükpü shennyak yangaokhen je? Büpai vangpüshuwpü mangtüktü yangaokhen je?

SHAHKÜP 28:68

Amphong halei ne-yei nyokei neshompih shei elangmao Shembüpai amphong shao Ijiplei jahas kü uoei shomtükhen. Halei amphongi ammei vepathü kü laophü nyingi aa vaihen shingvaishi yuhen, shejao üpaiyao amphong neshakhen.

HOSEA 11:5

Jom mong nelephüpü nangkü Ijiplei nyokei daihen, hatü Assyria amü jomei ong vaihen.

MENVIH KESHO 20:7

Hanei ami koyei khari kü, hatü hanei ami koyei kü mongnyangnyüke, shejao hami Shembüpa, hamei Kahvangei men kü hinglemnyeih.

1 ONGPATHÜ 4:26

Solomoni büpalei koyei khari shingvaishi koyei tuhhen hatü koyei veshanthü shingvaishi koyei haja anpünyi tuhhen khaok haja pinyi nyuteke.

MÜLANGPÜ 13:17

Mechem Pharaoh-i nanglakthü leishihpa, shohlohpü lem vaijao Kahvangi Philistia kahmük hompü lem kü nemü. “Jomi vepa mü hokhen mü vamjü, jomei mong yeiyaei Ijiplei nyokei leidaiphahen khih” shei Kahvangi deihteke.

1 ONGPATHÜ 1:5

Shaang Adonijah, David hi Haggith nyilei cheha-i, “Ngei ong vaihen hih” shei yaong. Hanangkü koyei kharithü hatü koyeithü hatü shennyak jom pinyipüan büpa shekü daihen tem.

MÜLANGPÜ 14:13

Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

2 SAMUEL 8:4

Davidi jomei koyei khari kü uopü shennyakthü haja hük mü kho nyet, hatü la mü daiyei hokpü veshan haja kukha yepei yah. Büpai koyei khari kho hük mon tuhtü aopü kemei la bhagtükkem.

1 SAMUEL 8:11

Büpai, “Am shak kü vanglem lemhen ongpai hapakei dükphahen: ‘Büpai ammei yeshangthü yah-ei büpalei koyei khari hatü koyeithü müteihühen, hatü jomphongü büpalei koyei khari shekü thepju kü deishihhen.

2 SHÜPPÜKENGPÜ 9:25

Solomonei koyei hatü koyei kharithü tuhhen shem haja ali nyu, hatü koyei haja anpünyi lebü chingnyüthülei hatü Jerusalemei tuhteke.

MÜLANGPÜ 13:18

Hanangkü Kahvangi nanglakthü Hakla Yungching philei jahpan lemei shonei müteke. Israel ami Ijip kahdok leipü hokhen shingvaishi lahhilaong temei daiteke.

2 SHÜPPÜKENGPÜ 1:16

Solomonei koyeithüyü Ijip hatü Kue leipü shakei lei. Ongpalei bhei leihpüthüi bhei shangshi shuohtü shakei leiteke.

ISAIAH 2:7

Jomei kahdokü hon hi ngini maei nyüke, hatü jomei mop dohshing neshiü; Jomei kahdok kü koyei mon maei nyüke, hatü koyei kharithü dohshing neshiü.

JEREMIAH 42:19

Shembüpai am kü, “Oh Judah am aopüthü, am Ijiplei teyiü. Ngei shinnyih am kü shuohpü shahvüng homei,

MIKA 5:10

Shembüpai enyüke, “Hapa nyihhihe kü ngei ammei koyeithü, hatü ammei veyom shing peü bentükhen.

1 ONGPATHÜ 5:6

Hanangkü ngelei men kü Lebanon leipü cedar püthü aghen ngeükhüam shuohkütuh. Ngelei nanglakthü aongei nüngei nanglakthü mü dou dükhen, hatü nüngei nanglakthü shing lat mekei nüngi itkahen hapakei ngei shuohhen. Mehenangkü nüngei nanglak Sidon ami manpükei pü aghen ngelei nanglakthüi nemanpü nüngi nyingdaiphei’ ” shei e.