SHAHKÜP 17:1 - DAÜLANGPÜ LAIHING (BSI)

¹ Ammi Shembüpa, ammei Kahvang kü eela kohdaipü nevaijü kaw kohdaipü mohoh nevaijü mi yah-ei moila teshuoh; mehenangkü Shembüpai hapa kü jiühitnyeih.

SHAHKÜP 17:1 Referans Kwoze

SHAHKÜP 15:21

Shejao hapa yem kü lemhük eela koshi, la khodaitü nevaijü nemei-i kawhikang kohdaitü nyujema, hapayü Shembüpa, ammei Kahvang kü moila teshuoh.

MALAKI 1:8

Mechem ammi mükphüngdaipü yemhimak moila shuohhenshang, hayü nejiüpü nevaipü je? Mechem ammi la khodaipü nevaijü tüngpü yemhimakthü moila shuohhenshang, hayü nejiüpü nevaipü je? Governor hük kü hapa keipü thintho yahshuohjü büpai am kü bampü dou dükphahen je? shei Shembüpa Kahvangi enyüke.

SHAHKÜP 23:18

hatü hapakei büm yuei latpü lop Shembüpa, ammei Kahvangei shemei lahpü jiühühen shingvaishi koei nepeihen; mehenangkü Shembüpai henüng kü jiühitnyeih.

SHAHKÜP 24:4

shongpü bahai shao pinnyü yahhen neaok; mehenangkü pinnyü-ü nedaüpü leidaiteke. Hapayü Shembüpa touei jiühitbenüng. Shembüpa, ammei Kahvangi am kü mükjüp shuohpü kahdokei henüng keipü mang tevamhü.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

KANDOK 11:1

Dok gühpü kü Shembüpai jiühitnyeih, shejao dok jiüshi dokpü kü büpai mongongnyeih.

KANDOK 6:16

Shembüpai jiühitpü doulem vok, büpa touei jiühitbenüng doulem nyet nyüke:

SHAHKÜP 25:16

Mehenangkü Shembüpa, ammei Kahvangi shahshem lawlüppü kü jiühitnyeih.

MÜLANGPÜ 12:5

Ammi mi nevaijü yum yahhen aok, shejao hapayü vangbong hük lompü kawhikang neshiüpü chebaongha jetuh.

KAHBHAO 41:19

Hahepak kü lebü mohoh nyet koihvani veihen nemeipü vamteke. Ijip kahdok kempülei hapakei veihen nemeipü mohoh ngei ne-eeangpih.

KANDOK 20:10

Nejiüi dok dokpü hatü nejiüi lüng shetpü kü Shembüpai jiühitnyeih.

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

BHEI-IE 29:8

Shembüpa kü vong meipü jakpü moila mohoh chebaongha hük, mi chebaongha hük, hatü kawhikang neshiüpü bong hük lompü mi nyet shuohtuh.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.