SHAHKÜP 16:19 - DAÜLANGPÜ LAIHING (BSI)

¹⁹ Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

SHAHKÜP 16:19 Referans Kwoze

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

MÜLANGPÜ 23:2

Nejiüpü dou dükhen nüngi khongnyü phei temü; ammi shahphen shingei mechem denpü shuohhen, shahhingi shahshem leitükpü khong phei temü.

KANDOK 17:23

Nemeipü shennyaki joshi yawhdou yahnyüpeih, hatü shahhing lemthü nyongtüknyeih.

HABAKKUK 1:4

Hanangkü shahkungnyü juwdai hatü shahhing neshiü. Shennyak tenthüi daülangpüthü kü shonlangteke; hanangkü shahhingü shahshem leitükteke.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

ISAIAH 1:17

Jiüpü dükhen nyingtuh, shahhing yemtuh, neaoknethangpüthü kü sheühtuh. Hashihhathü kü jiüpü düktuh, vaümnyülei shahphentuh.

CHONGVENBÜ 7:7

Mechem kon kohpü shennyaki hanei am kü ühünghenshang, büpai ngapa kei dou düknyüke, hatü yawhdoui mongdang mangtüknyeih.

KANDOK 24:23

Hathüyü kon kohpübai epü khih: Shahphen shingei baong hanei nopeyü nemei.

SHAHKÜP 27:19

“Üami benha kü, hashihha kü, hatü vaümnyü kü shahhing nenonya, hapa shennyak kü thaüvaü hettuh.” Hahepak kü nanglak peüi, “Amen!” shei ehen.

PHONGSHANTHÜ DOU 23:3

Hahepak kü Pauli büpa kü, “Kahvangi nüng kü apphahen, nüng shola-i jintükpü bham! Shahkungnyü kü jiüpü aimü shahphenhen nüng hatouei uoshi nyüke, shejao nüngi-üng ngei kü üptuh shei ngeükhüam shuohpai shahkung mangnyu je?” shei eteke.

PHONGSHANTHÜ DOU 16:37

Shejao Pauli jangei, “Jomi henji kü nyonghüpü neshiüi Rom bühü shennyak kü peüi eeshi üpteke, hatü khoklatei küpteke; shaang jomi joei henji veyei deishihnyu je? Hei nevai! Jom peiyei henji yah-ei nyemngai” shei e.

PHONGSHANTHÜ DOU 10:34

Hahepak kü Peteri jomphong mü ehen pang: Kahvangü baong hanei nenonyu shei ngei hingmei mü nyingnyüke,

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

JEREMIAH 5:28

jom nitei hatü nyülüki leinyüke. Jom mang dou dükhen kü hajük shei neshiü; jomi shahhingi shahphen neshuohnyu; Jomi hashihhathü kü jomei jiüpü hean neshuohnyu, hatü ponghahpüthü kü shahhing nedükshuohnyu.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

KANDOK 24:28

Ten yepaokpü neshiüshiüi nüngei chingyowpa khüei shahshem denpü teshuoh, hatü nüngei jubenyeijaangi lawlüpei te-e.

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

MÜLANGPÜ 18:21

Shejao nanglakthü khong kübü dou aokhen shennyak hanei Kahvang nyempü, monglemaokpü, shahshem nanglei kü jiühitpü shennyak jetuh, hatü hapa shennyakthüi haja shak kü, kho shak kü, pinyipüan shak kü, hatü an shak kü lakchongbü vaiyei tuhtuh.

MÜLANGPÜ 23:3

Shahphen shingei ammi taopa kü baong hanei teno.

SHAHKÜP 16:18

Shembüpa, ammei Kahvangi am kü shuohpü jila ieyei kü shahphenbüthü hatü lebü lakchongbüthü jetuh, hatü jomi shahhing kü nanglakthü kü shahphenhen.

1 SAMUEL 8:1

Mechem Samuel viüdaipa, büpai büpalei chehathü shahphenbüthü vaihen je.

MENVIH KESHO 15:5

Üpai lop kü lop bhüei lop nelushuohnya, hatü nenyingpü am khüei yawhdou neyahnya, üpai hathü dou düknya, büpa nejenleni yangei nyuhen.

KANDOK 15:27

Hahnempü shennyaki laophülei shemong kü shanghah koei leinyüpeih, shejao üpai yawhdou kü jiühitnya, yemmü nyuhen.

KANDOK 18:5

Pungpüthü kü khüam bakhen napü neshiü; nevaijü nepungpüthü kü jiüpü nedüki tetuh.

KANDOK 31:5

Hei nevaijema jomphongi yiü yinghen, hatü shahkungnyü betükhen, hatü hanghipü nanglakthü kü jiüpü nedükaokhen.

SHAHKÜP 27:25

“Mang neshiüpü shennyak jühen shingvaishi yawhdou yahpü shennyak kü thaüvaü hettuh.” Hahepak kü nanglak peüi, “Amen!” shei ehen.

EZEKIEL 18:8

Büpai bhüei danghen kü lop nelushuohnyu, nevaijü lop bhüei neyahnyu. Büpai nemeipü dükhen kübü büpalei lak shümlangnyüke, hatü shahhing shahphenpü shuohnyüke.