7 Shembüpa, ammei Kahvangi am kü shuohpü kahdok kü jila haneilei dangkao taopü jeihinaü nyujema, büpa kü sheühhen kaungei nevaijü nemongi tenyu.
Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai Shembüpa kü am khüei lenhen hatü am mang thahhen.
Nüngi taopathüi leneiwongpü kü dhaong neshangjema, nüngiyao lenhen shejao üpaiyao nedanlangphahen.
Shejao büpai ha nemong, hatü büpai büpa müei daiyei ha hang mangshem thahshi khoklatei küpei tuh.
Nüng kü yüpüthü peü kü shuohtuh, hatü nüng leipü luhahnüng peiküpü kü lueishuoh.
Ammi am mü chemi nyupü taopü ngelei nanglakthü kü lop lushuohjema, ammi hathü kü hang sheshi nyupü am kü kei teno, hatü ammi hathü leipü lop kü lop bhü-ei teyah.
Jempü Israel shennyak taoei laophü nyingi nesheüh-aoki leijema, benha kü kei am mü nyuhen shingvaishi lakeiloiyei nyuhen nyushing yah-eishuoh.
Düngei vaishi Israel am hanei payü taoei nyukahen. Hanangkü ammi ammei jeihinaü taopathü kü lak laiyei shuohtuh.
Am mü jempü Israel am nevaijü am mü lakeiloiyei nyupü taopa nang shaküpü kü lueilemei teling.
Shaang jempü jeihinaü Jehoda am khüei nanglakthü nyüha baha hanei langmaanteke.
Üami taopathü kü phahji hunya, büpai Shembüpa kü lushuohpü vainyüke, hatü büpa kü hathü nyokei shuohhen.
Aeipülepüthü kü ammei hahying shuoh-ei, ponghahpüthü napü hüshemhüjema, ammei vangngai vangnyak kü nyaei vamhen, hatü ammei vangnyakü nyihnüng heshotapa hepak kei leidaihen.
Hanangkü chingsholei nyupü Jehoda ami Adar len nyih anpüalipabü keyü mo hatü mongongpü, hüki hük kü thintho shuohteipü nyih leihü.
hatü hapayü Jehoda am vepa lak kübü nyiumei dangpü, jom mongmangpü mongong leihüpü, hatü mahng theppeyü mongongpü nyih vaihen shei e. Büpai jom kü hathü nyih-ü mopütappü, mongongpü, hatü hüki hük kü thintho hatü taopathü kü hahying shuohteipü hepak hük vaihen shei nyang.