SHAHKÜP 15:3 - DAÜLANGPÜ LAIHING (BSI)

³ Ammi yenpa-oupa leipü bheishe hang yühen aok, shejao ammei jeihinaüi shemhen nyupü bheishe hang neyühen.

SHAHKÜP 15:3 Referans Kwoze

SHAHKÜP 23:20

Shembüpa, ammei Kahvangi ammi yahhen nyupü kahdokei ammi dükpü lemphüli kü moihimanphahen shingvaishi jempü jeihinaü Israel am kü hang bhüei teyü. Ammi kung shennyak kü bhüei yühen aok.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

JOHAN 8:35

Shemong hük kü aa hük mechemao denshing nenyunyih, shejao hapeü-ü denshing nyushing nyüpeih.

MÜLANGPÜ 22:25

Ammi am mü chemi nyupü taopü ngelei nanglakthü kü lop lushuohjema, ammi hathü kü hang sheshi nyupü am kü kei teno, hatü ammi hathü leipü lop kü lop bhü-ei teyah.

SHAHKÜP 15:2

Hayü hapakei dükhen: Jempü Israel am kü hang lushuoh-ei nyupüthü peüi hapa bheishe hang neshemhahhen vongbong. Büpai jempü Israel am nevaijü jeihinaü kü hapa hang neyühen vongbong; mehenangkü bheishe hang neshemtei-i katitükhen Shembüpalei hepak baongteke.

SHAHKÜP 23:21

Ammi Shembüpa, ammei Kahvang kü vangjema, hapa jiühühen tephei; mehenangkü Shembüpa, ammei Kahvangi hingmei ha am leipü yühen hatü ha nedükjema mang nyüke.