SHAHKÜP 15:10 - DAÜLANGPÜ LAIHING (BSI)

¹⁰ Büpa kü nekaungi shuohtuh, hatü Shembüpai ammi dükpü lemphü kü moihimanphahen.

SHAHKÜP 15:10 Referans Kwoze

KANDOK 22:9

Üami nekaungi shuohnya, jom moihiman! Mehenangkü jomi jomei hahying taopathü kü hanteinyüke.

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

ISAIAH 58:10

Aeipülepüthü kü ammei hahying shuoh-ei, ponghahpüthü napü hüshemhüjema, ammei vangngai vangnyak kü nyaei vamhen, hatü ammei vangnyakü nyihnüng heshotapa hepak kei leidaihen.

SHAHKÜP 14:29

Hapa hahyingü ammei jilalei nyupü Levi am shingvaishi nyüke; mehenangkü jomei mükjüp meheyao neshiü, hatü benhathü, hashihhathü hatü vaümnyüthü shingvaishi nyüke. Jom peiyei hüshemshi hahhen, hatü Shembüpa, ammei Kahvangi ammi dükpü lemphüli kü moihimanphahen.

SHAHKÜP 24:19

Mechem ammi hah vetei daihenshang, hahbhaong hanei nesheti tuhphongjema, hapa yahhen nyokei telei. Shembüpa, ammei Kahvangi ammi dükpü lemphüli kü moihimanphahen shingvaishi benhayaha, hashihhathü hatü vaümnyüthüi nyemyahhahnüng tuhphongtuh.

ISAIAH 32:8

Shejao pamei shennyaki pamei küpjan lingnyeih, hatü pamei dou kü büpa yaongnyeih.

PHONGSHANTHÜ DOU 20:35

Ha peü kü ngei am kü hapakei dou dükpü homei Shembüpa Jisulei shah deih-ei dangtü wong nekohpüthü kü sheühhen khih shei ngei am kü lappü hük shuohtepih; mehenangkü büpai, “Yahhahpü leimeyü yahshuohpüüng meipüba” shei eteke.

SHAHKÜP 15:4

Hapakei vaijao am hükao taoeinangei nenyupih; mehenangkü Shembüpa, ammei Kahvangi am kü mükjüp shuohpü kahdokei büpai changshi moihimanphahen.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

ROM SHAHSHA APPÜ 12:8

hapayü mongnang thongpü vaijema, büpai mongnang thongtuh; hapayü mih kü shuohpü vaijema, büpai nekaungi shuohtuh; hapayü mübü hean vaijema, büpai kenhingei vanglem lemtuh; hapayü phahji hupü vaijema, büpai ha monghumei düktuh.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

SHAHKÜP 14:19

Yang kohtü piteipü yemhamakha kemei nedaüpü nyüke; ammi hathü tehah.

SHAHKÜP 23:20

Shembüpa, ammei Kahvangi ammi yahhen nyupü kahdokei ammi dükpü lemphüli kü moihimanphahen shingvaishi jempü jeihinaü Israel am kü hang bhüei teyü. Ammi kung shennyak kü bhüei yühen aok.

SHAHKÜP 28:8

Shembüpai ammei lakdou peü kü moihimanphahen hatü ammei puongmong kü hah-i mahühen. Shembüpa, ammei Kahvangi am kü büpai shuohpü kahdokei moihimanphahen.

CHONGVENBÜ 11:1

Nüngei hahying yungching shangkü haiphongtuh; mehenangkü nyih longi angpheikü nüngi ha nyokei danghen.

SHAHKÜP 15:18

Mechemao ammi aa hük bümei leiyei deitükhenü longi lomoh hatü douwong shei tedeih; mehenangkü büpai vangbong vok thahshi am chongphopeyü nang shanpü mü shing nyi nyeishi nanglei vaitepih. Hapakei düktuh hatü Shembüpa, ammei Kahvangi ammi dükpü lemphü kü moihimanphahen.