SHAHKÜP 13:13 - DAÜLANGPÜ LAIHING (BSI)

¹³ nemeipü shennyak hanei vamei, “Jen daiyei lebü kahvangthü kü khümshah” (ammi nenyingpü kahvangthü), shei eyei ammei nyushing leipü nanglak hanei lemnyong kü mülangpü khih shei danjema,

SHAHKÜP 13:13 Referans Kwoze

1 JOHAN 2:19

Jomü jen kübü lüdaipeih, shejao jomphongü jen khong nevai; jomphong paoh jen khong vailangmeyü jomphong jen mü nyuhah shepeih. Shejao jen toueipü lüdaipü homei jomphongü jen khong nevai shei lekei hunyüke.

SHAHKÜP 13:2

büpai epükei yashanyale nevaijü thamapü dou jiüei vamjema, hatü büpai, “Jeni lebü kahvangthü phei müshah, (ammi mangnyingpü kahvang) hatü jeni hathü kü khümshah” shei eküjema,

JUD SHAHSHA APPÜ 1:19

Hapayü Laangha neshiüpü kahdoknyü shennyakthüi hanteipanteipü vamhünyüke.

2 KORINT 6:15

Khrista hatü Belial nyi melei shepshaihen? Nevaijü vaipü ami nevaipü am mü mehe hean nyüpa?

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

1 ONGPATHÜ 21:13

Hahepak kü neveü gühshe shapü shennyak nyi büpa mü khangteiyei uohütü nanglakthü tou kü Naboth kü thaüvaüei, “Naboth-i Kahvang hatü ongpa nyiphen kü eelateke” shei e. Hanangkü jomphongi chingnyü haolei büpa deiyei yaongi shükei jütük.

1 ONGPATHÜ 21:10

Büpai Kahvang hatü ongpa nyi kü eelapeih shei büpalei dhe kü nyeanshi thaüvaühen shingvaishi neveü gühshe shapü shennyak nyi büpalei dhe kü khangshi uohütuh. Hapheikü büpa chingmong leipü haolei müei daiyei yaongi shükei jütuh” shei e.

2 SAMUEL 20:1

Shaang Benjamin am Bikrilei cheha Sheba longi nebahnevaipü shennyak halei nyu. Büpai amit vüngtü lenei, “Ham David mü phaihan neshiüpih, Jesselei cheha mü hean neshiüpih! Ashakshem mongei nyupüthü peü, Oh Israel!” shei e.

2 SAMUEL 16:7

Büpai David kü thaüvaüshingkü, “Leidaituh! Leidaituh! shennyak jüteipü shennyak! Yahlak neshiüpü shennyak!

1 SAMUEL 25:17

Hanangkü ha nyingtuh hatü nüngi mehe dükshuohhen nüngi nyinghahtuh; mehenangkü jenei shembü hatü shem am kemei kü nemei-i dükhen temei nyüke. Büpa ahshi nemeipü nangkü üpaiyao büpa mü shah ne-eteiaoknyu” shei eshuohteke.

1 SAMUEL 2:12

Elilei cheha nyiyü nemeipü shennyak nyu; jijinyi-i Shembüpa kü ie kü neshih,

SHAHPHENBÜTHÜ 20:13

Israel kübü nemeipü mang shaptükhen shingvaishi Gibeah kü nemeipü shennyakthü shakei ngaishih hatü hamphongi jomphong jütükhen” shei e. Shejao Benjamin ami jempü jeihinaü Israel jatthüi epü kü dhaong neno.

SHAHPHENBÜTHÜ 19:22

Mechem jom hapakei hahyingtü jaüteiyei nyupa, ngangahük kü ching leipü shennyakten hanei peiyei shem shümei yahtü sha kü daüpei khungteke. Jomi hapa bajeipa kü, “Nüngei shemei ngoiyei nyupü shennyak chingshelei ngaishih; hami büpa mü mükbongjuyung dükhen hih” shei e.

SHAHKÜP 13:6

Ammei jeihinaü meimei-i, nevaijü ammei yeshang nevaijü yiükha, nevaijü ammi bampü shembünyü, nevaijü ammei mongkhen küphüi, “Jeni lebü kahvangthü kü khümshah” (am nevaijü ammei bühipathüi nenyingpü kahvangthü,

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.

2 SHÜPPÜKENGPÜ 13:7

hatü shahhing ne-e, vanglem nenyingpü shennyak tenthü thaiyei yahtü Solomonei cheha Rehoboam hashih meheyao mangnyingpü hepak kü Rehoboam khüei yaongpeih” shei e.

2 ONGPATHÜ 17:21

Mechem büpai Israel am David phang kübü shaakei yaktükpa, Israel ami Nebatei cheha Jeroboamü jomei ong vaiyei tuh. Jom Shembüpalei phei müpü kübü Jeroboami jom yawh-ei deiyei nyempühanbenüng mang thahhü.

2 SAMUEL 23:6

Shejao nemeipü shennyakthüyü hühhihang kei yaktükhen; Mehenangkü hathüyü laki homei neyah-aoknyih.

1 SAMUEL 25:25

Ngelei shembü, hapa nyingnyoi deiaei nemeipü shennyak Nabali epü kü meheyao shihlangei tedeih; büpayü büpalei men kei-üng nyüpeih; büpalei menü Nabal khih, büpa kü hapa ngapüyoipü lüpshi nyüpeih; shejao ngelei shembü, nüng chongphobüi nüngi shompü nethethü ne-eeangpih” shei eteke.

1 SAMUEL 10:27

Shejao hanei büpa kü yaüei, “Hapa shennyaki mekei etü jen yangaokhenang?” shei e. Jomphongi büpa kü yaüei e, hatü meheyao thintho neshuoh. Shejao Saul nenmü nyu.

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

SHAHKÜP 13:12

Shembüpa, ammei Kahvangi am nyuhen shuohpü kahdokei,

SHAHKÜP 13:14

ammi hapa meishi baong yemei dokei veituh, hatü hapa hingmei vaiyei am touei henüng keipü jiühitpü dou vampü khih shei yepaokjema,

SHAHKÜP 17:4

ammi danjema, ha meishi baong yemei veituh. Hapayü hingmei khih, hatü Israel kü hapa keipü mang dou dükpü khih shei yao-aokjema,