SHAHKÜP 12:25 - DAÜLANGPÜ LAIHING (BSI)

²⁵ Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

SHAHKÜP 12:25 Referans Kwoze

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

1 ONGPATHÜ 11:38

Ngelei chongphobü Davidi dükpü keipü nüngi ngei epü peü dükjema, hatü ngelei lemthü kü kamjema, hatü ngelei shahkung hatü vanglemthü dükei ngei touei mehe jiü, ha dükjema, ngei düngei nüng mü nyuhen. Ngei David kü dükpükei ngei nüng kao den kü longsha ongshem leihühen, hatü ngei nüng kü Israel am shuohhen.

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

SHAHKÜP 13:18

mehenangkü hayü Shembüpa, ammei Kahvangei ven danei ngei shinnyih am kü shuohpü shahkungnyüthü ven bangei büpa touei jiüpü dükjü mon danghen.

SHAHKÜP 6:18

Shembüpa touei mepa jiüpü hatü meipü nyüpa, ha düktuh, shejüang am meishi nyuhen, hatü Shembüpai ammei bühipa kü lahpü kahcheü kohpü kahdokei shüei hapa yah-aokhen,

EZEKIEL 33:25

Hanangkü Shembüpa Kahvangi hapakei enyüke shei hathü kü etuh: “Ammi phai mü iy-ao omshi hahnyüke, hatü ammei lajeithü kü khümnyüke, hatü iy vamhünyüke; hapakei tuhtü hapa kahdok yah-aokhen je?

CHONGVENBÜ 2:26

Kahvangi büpa monghahhüpü shennyak kü kihikon, nyingpühingpü hatü mongong shuohnyeih, shejao mang shennyakü mop thaiyei yowhen hatü Kahvang monghahhüpü shennyak kü shuohtükhen dousho shuohnyeih. Hapayao angsha, vanglük phei changteipü mon khih.

MENVIH KESHO 112:2

Jomei hühihathü kahdoknyü kü wong kohshi nyuhen; kangshangpü shennyakei hüshom pheinaü moihimanhen.

SHAHKÜP 12:28

Am hatü ammei hapeüthü meishi nyuhen shingvaishi ngei am kü shuohpü shahkungthü dükhen kentuh; mehenangkü Shembüpa, ammei Kahvang touei mehe mei hatü jiüpa, ha amphongi dükhen.

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

SHAHKÜP 12:24

Amphongi iy tehah, shejao yung keiha kahdokei yentüktuh.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

SHAHKÜP 21:9

Amphongi Shembüpai mehe epa, ha dükpü nangkü hapa iy yenpü mang am shak kü nenyuhen.