SHAHKÜP 12:10 - DAÜLANGPÜ LAIHING (BSI)

¹⁰ Shejao mechem ammi Jordan yung homei Shembüpa, ammei Kahvangi am kü mükjüp shuohpü kahdokei nyuhenshang, büpai am shinei nyupü vepathü peü kübü nyiumei yahphahen, hatü am halei chingmei nyiushemmei kü nyuhen.

SHAHKÜP 12:10 Referans Kwoze

EZEKIEL 34:28

Hajük kü lebü jatthüi jom kü aeteisheyei nedükhen, nevaijü meishih nyahmangi jom nehahhen; jomphong nenyemi hüshemei nyuhen, hatü üpaiyao jom nenyemhühen.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

SHAHKÜP 11:31

Shembüpa, ammei Kahvangi am kü shuohpü kahdokei shühen hatü yahhen shingvaishi Jordan yungyen homhen yopailei nyüke. Mechem ammi hapa kahdok yah-ei nyueichongei daihenshang,

SHAHKÜP 4:22

Ngeiyü hapa kahdokei didaihen; shejao amphongi yungdang homei hapa kahdok yahhen yopailei nyüke.

SHAHKÜP 3:27

Pisgah shangchingei aongei heong, heshü, apsha, pehe peü philei veituh. Nüng Jordan yung homei nedaiaokhen vaipü nangkü hapa kahdok kü nüngi müklai luei veituh.

EZEKIEL 38:8

Nyih longi angtü shoumpü bongthü kü vehok shingvaishi temei tuhpü kahdok mü hokhen. Haleipü shennyakthüyü bong luangi lavüngtoiyei tuhpü Israel kahshangthü kü jat longi kübü peiyei nyupeih. Jomü jat longi kübü peiyei nyupeih, hatü jom peü shaangü chingmei nyiushemmei kü nyunyüpeih.

EZEKIEL 34:25

Ngei jom mü chingmeivangmei vangpüshuwpü linghen, hatü meishih nyahmang peü changtükhen; shejüang jomphong bhih kahdokei nyuhen hatü hüshemei phaülei shiyeichonghen.

EZEKIEL 28:26

Jomi halei nyempü neshiüi nyuhen, hatü shem veyei nyalingngupai sheiyei nyuhen. Mechem ngei jom kü ne-ienelemi dükpü jatthü kü shahphenhenshang, jom halei nenyemi nyuhen hatü jomphongi ngeiyü Shembüpa, jomei Kahvang khih shei nyinghen.”

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

KANDOK 1:33

Shejao üami ngei epü bangnya, yangei nyuhen; büpa nyempühanpü neshiüi nyiushemmei kü nyuhen.

MENVIH KESHO 4:8

Mechem ngei lemhen, hatü nyiushemmei kü shihen, Oh Shembüpa, nüngi mon ngei yangei tuhnyeih.

1 ONGPATHÜ 4:25

Solomonei den kemei kü Judah hatü Israel am kemei Dan kübü Beer-sheba thahshi peüi lakbowlayangei laophü laophülei nyalingngupai hatü adhapüthü phangkü nyu.

1 SAMUEL 7:12

Hapheikü Samueli yaong hük yah-ei Mizpah hatü Shen nyi aa kü haong, hatü büpai hapa kü Ebenezer lappai, “Hajük thahshi Shembüpai ham kü sheühpeih” shei nyükteke.

JOSHUA 4:12

Mosai hupükei Reuben, Gad hatü bhaosheipü Manasseh jat ve-ow temtü Israel am shekü homei daiteke.

JOSHUA 3:17

Mechem nanglakthüi kahvan kü yungdang homei daipa, ngongpathüi Shembüpalei Vangpüshuwpü Pela paitü Jordan yung jiamei kahvan kü yaongshi nyuteke.

SHAHKÜP 33:28

Hanangkü Jakobei hühihathü chingmei vangmei kü hahying, hatü yiü vampü kahdok kü vangsho nyieni yung shuoh-ei hüshemei nyuhen.

SHAHKÜP 33:12

Benjamin am nang büpai hapakei eteke: “Shembüpai bampü jat nyiushemmei kü hüshemei nyutuh, Büpai helu shoei jom yomnyüpeih, hatü Shembüpai bampüba büpalei lakmongei yangei tuhtuh.”

SHAHKÜP 9:1

Oh Israel am, bangtuh! Shinnyih ammi Jordan yungdang homei am mü longpü, hatü wong kohpü jatthü vangsho kü shongshi penyü showtükpü chingnyüthü yahhen hepak ngoinyüke.

MÜLANGPÜ 33:14

Shembüpai, “Ngei am mü omshi daihen hatü ngei am kü aokpü shuohhen” shei eteke.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

1 ONGPATHÜ 8:56

Büpai lahpükei laophülei Israel nanglak kü nyiushemmei shuohpü kü Shembüpa men longtuh. Büpai laophülei chongphobü Mosa homei lahpü hükao neshai-i jiühüteke.

JOSHUA 14:1

Shaang hathüyü Israel ami Kanan kahdokei dangpü mükjüpthü nyuteke, hatü hathüyü Eleazar ngongpa, hatü Nunei cheha Joshua, hatü Israel jatthü kü mübüthüi jom kü hanteke.

1 SHÜPPÜKENGPÜ 22:18

Büpai jomphong kü, “Shembüpa, ammei Kahvang am mü nenyupü je? Büpai lem peü philei am kü nyiushemmei neshuoh-angpü je? Mehenangkü büpai hapa kahdok kü nyupüthü ngelei lak kü shuohpeih, hatü hapa kahdokü Shembüpa hatü büpalei nanglakthü phangkü nyüke.

EZEKIEL 38:11

“Ngei pe neshowpü chingthü hahhen; ngei chingmeivangmei kü pe neshow, penyüsha nelingi nyupü shennyakthü hahhen” shei ammi ehen,