SHAHKÜP 1:26 - DAÜLANGPÜ LAIHING (BSI)

²⁶ Shejao ammi hapa kahdokei ne-aonghüi Shembüpa, ammei Kahvangi epü kü khüei yaong.

SHAHKÜP 1:26 Referans Kwoze

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

BHEI-IE 14:9

Shembüpa khüei mon teyaongkei, hatü hapa kahdok leipü shennyakthü kü tenyemkei; mehenangkü jeni jom neüaokshasha hih. Shembüpa jen mü nyüpeih, hatü jom yangpü jomei kahvangthü neütükteke; hanangkü tenyemkei” shei eteke.

SHAHKÜP 1:25

Hapa kahdok leipü betjükao jomi vaümei jen kü leiyei, “Shembüpa, jenei Kahvangi jen kü shuohpü kahdokü meiangke” shei shah-om aokküteke.

SHAHKÜP 9:23

hatü mechem Shembüpai am Kadesh-Barnea leipü shompa, büpai amphong kü, “Aongtuh hatü ngei amphong kü shuohpü kahdok yahtuh” shei eteke.

NEHEMIAH 9:16

Shejao jom, hamei bühipathüi changmei, hatü jomei ngaümvang haüei nüngei shahkungthü nebang;

SHAHKÜP 1:43

Hanangkü ngei am kü ha eteke, shejao ammi ha nebang. Ammi Shembüpa khüei yaong, hatü am changmeiyei phaüshang kahdokei hokhen layaongteke.