RUTH 3:14 - DAÜLANGPÜ LAIHING (BSI)

¹⁴ Hanangkü pinnyüi büpalei la tüngei paüm, shejao shennyak dhehimen mangnyingi vangngai pibom kü pinnyü paodai; mehenangkü hah tenshingei nyüha peiyei paümpü khih shei üpaiyao tenyinghü” shei Boaz-i eteke.

RUTH 3:14 Referans Kwoze

2 KORINT 8:21

Shembüpa touei mon nevai, shejao shennyak toueiyao mehe jiü, ha dükhen hami hanghi yahnyüpeih.

ROM SHAHSHA APPÜ 14:16

Nüngi mei shei deihpü kü ten kei te-ehü.

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

1 KORINT 10:32

Jehoda am kü vaituh, Greek am kü vaituh nevaijü Kahvangei attoi kü vaituh, huluh teshuohhü;

1 THESALONIKA 5:22

ten lemphü kübü yanei nyutuh.

ROM SHAHSHA APPÜ 12:17

Nüngi üpa kao ten kü ten jeiyei teshuoh, shejao peü touei mepa jiüpa, ha dükhen kentuh.

CHONGVENBÜ 7:1

Menmeiyü vong meipü meli mao meipüba, hatü bühpü nyih leimeyü dipü nyih-üng meipüba.

RUTH 3:15

Boaz-i pinnyü kü, “Nüngei ashak yah-ei antolei nyemtuh” shei e. Pinnyüi hapakei nyemjashingkü büpai barley hah dok kukha hükshing shihteke, hatü yah-ei pinnyülei bhagchongei paishuohteke, hatü pinnyüi ha paitü jila yemei lei.