RUTH 3:13 - DAÜLANGPÜ LAIHING (BSI)

¹³ Sheya payü hamü paümtuh, hatü büpai nüng tongkoliyei yah-aokjema meitei; büpai hapakei nyemdükkei. Büpai nüng kü hapakei dükhen nemongjema vanyangyem Shembüpalei men kü ngei vangei enyeih, ngei tongkoliyei yahhen hih. Vangngaipü thahshi hamü paümtuh” shei e.

RUTH 3:13 Referans Kwoze

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

RUTH 4:5

Hahepak kü Boaz-i, “Nüngi Naomilei lak leipü kahdok yahhinüng nüngi didaipü shennyakei men nedoh-i nyuhen hatü büpalei mükjüp nyuhen shingvaishi yimpi ami tuhpü vaümnyü Moab lapeü Ruth-ao yahhen vongbong” shei e.

RUTH 2:20

“Shembüpai büpa kü moihimantuh” shei Naomi-i Ruth touei e. Büpai shinnyih thahshi yemmü nyupü hatü didaipü am kü phahji yahyang hupü nedoh-i nyüke. Pinnyüi shao, “Hapa shennyakü jenei showsheipü shennyak hih” shei e.

HEBREW 6:16

Hangkuiyü laophü mü longpü hanei am touei lahnyeih, hatü hapa lahpai jomi mehe enya, ha jiüpeih shei hunyeih, hatü hapa lahpai dehilao peü dohhünyeih.

SHAHPHENBÜTHÜ 8:19

Gideoni, “Jomphongü ngelei jeihinaüthü; nyü hük hathü hih. Anjinyi-i jom nejülangmeyü ngeiyao anji nejühen vaipeih” shei e.

2 KORINT 1:23

Shejao am yanghen nangkü ngei nyipabü Korintlei nepeipeih shei ngei Kahvangü ngelei denbü vaishi nyüknyeih.

RUTH 3:12

Shejao ngei mü showsheipü shennyak shei epeyü jiülangmao ngei mao nyeinya showsheipü shennyak hük nyüpeih.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

RUTH 4:6

Ha eshuohpü nangkü ha showsheipü shennyaki, “Shejema ngei neshakaok-ü; mehenangkü ngelei hapeüthüi hapa mükjüp neyah-aok-ü; hayü vongshüh vaihen khih. Ngei neaok-ü, nüngi shakhahtuh” shei e.