RUTH 2:20 - DAÜLANGPÜ LAIHING (BSI)

²⁰ “Shembüpai büpa kü moihimantuh” shei Naomi-i Ruth touei e. Büpai shinnyih thahshi yemmü nyupü hatü didaipü am kü phahji yahyang hupü nedoh-i nyüke. Pinnyüi shao, “Hapa shennyakü jenei showsheipü shennyak hih” shei e.

RUTH 2:20 Referans Kwoze

2 SAMUEL 2:5

Davidi Jabesh-Gilead am touei phongmokbüthü shomei jomphong kü, “Ammi ammei ongpa Saul kü dhüm huei büpalei mahng vüpü nangkü Shembüpai am kü moihimantuh.

KANDOK 17:17

Küphü hük mü hepak peü kü bamteinyeih, hatü jeihinaü-ü shanghah kü sheühteihen bühnyüpeih.

LEVI 25:25

Israel shennyak hüki longi taoei büpalei dounyü hanei yutükjema, büpalei shem ami hapa angei leihen vongbong.

PHILIPPI 4:10

Shaang dohpülei ngei nangkü am hakaei deihpü nangkü ngei Shembüpa kü longi mongongnyeih; hingmei, ammi ngei shing hakaei deihteke, shejao ngei ha huhen hepak mei nedangpeih.

JOB SHAHSHA APPÜ 19:25

Ngei Yangpüba yemmü nyüpeih shei ngei nying, hatü dohpülei hapa kahdokei büpa yükahen,

2 SAMUEL 9:1

Davidi, “Jonathanei men kü Saul am shem kü ngei phahji yahyang huhen üpayao aoei nyüla?” shei phe.

RUTH 4:14

Hapheikü hapa nyühai Naomi kü, “Nüng mü showsheipü neshiüi netuhphongpü Shembüpa men longtuh. Israel kü büpalei men men-e nyemlei!

RUTH 4:6

Ha eshuohpü nangkü ha showsheipü shennyaki, “Shejema ngei neshakaok-ü; mehenangkü ngelei hapeüthüi hapa mükjüp neyah-aok-ü; hayü vongshüh vaihen khih. Ngei neaok-ü, nüngi shakhahtuh” shei e.

RUTH 2:21

Hahepak kü Moab lapeü Ruth-i “Hah vetei mangkem thahshi nüngi ngelei hah vetpüthü mü nyutuh shei büpai ngei kü ephopeih” shei e.

RUTH 3:12

Shejao ngei mü showsheipü shennyak shei epeyü jiülangmao ngei mao nyeinya showsheipü shennyak hük nyüpeih.

RUTH 4:4

Hanangkü ngei nüng kü ha nang ephahen shei deihpeih. Nüngi hamü uoshi nyupüthü nyushi hatü jenei nanglak mübüthü nyushi nüngi ha shaktuh. Nüngi mongjema ha shaktuh; nüngi nemongjema ngei kü eshih, ngei nyinghahhen hih; mehenangkü ha shakhenü nüng-üng shongpüba vaihen, ngeiyü nüng phei kübü mon” shei e. Hanangkü büpai, “Ngei shakhen hih” shei e.