PHILIPPI 4:9 - DAÜLANGPÜ LAIHING (BSI)

⁹ Ammi nyingpü, yahpü hatü danpü hatü ngei kü eepü douthü dükei nyutuh, hatü chingmei Kahvang am mü nyukahen.

PHILIPPI 4:9 Referans Kwoze

JAKOB 1:22

Shejao amphongü dan mon dantü laophü nyingi luhahpü am nevai, shejao shah-i dou leiyei dükpü am leituh.

PHILIPPI 3:17

Jeihinaü hatü nyahinaüthü, ngei kü veiyei ngei kapituh, hatü hami am kü epü yangnyu lappükei nyupüthü kü veituh.

2 PETER 1:10

Hanangkü jeihinaü nyahinaüthü, nyeinya vaishi am kü nyükpü hatü jepü lekhen kentuh; ammi ha dükjema am huluh neshuohpih.

JOHAN 13:17

Ammi ha nyingei hathü dükjema, amphong moihiman.

PHILIPPI 4:7

hatü nyingpühingpü peü kü nyeipü Kahvang chingmeilemlingi Khrista Jisu kü ammei mong hatü sholi yomhen.

ROM SHAHSHA APPÜ 16:20

Chingmei Kahvangi meshük ne-angi ammei la phangkü kahshih ngümtükhen. Jenei Shembüpa Jisu Khrista phahji am mü nyute.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

LUK SHAHSHA APPÜ 6:46

Mehekei ammi ngei kü, “Shembüpa, Shembüpa” shei nyüktü ngei epü nedüknya?

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

2 THESALONIKA 3:4

Hami epü douthü ammi düknyüke, hatü nedoh-i dükkahen shei Shembüpa kü monglempü nyüpeih.

1 THESALONIKA 1:6

Ammi ham hatü Shembüpa kapiteke; ammi shüveidoidei pongjao Laangha Daülangpai shuohpü mongong mü ammi shahjangmei mongongshi yahteke.

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.

ROM SHAHSHA APPÜ 15:33

Kahvangei chingmei am peü mü nyute. Amen.

JOHAN 2:5

Chenyüi chongphobüthü kü, “Büpai mehe ephahenshang ha düktuh” shei e.

LUK SHAHSHA APPÜ 8:21

Shejao büpai jomphong kü, “Üpai Kahvangei shah bangei ha düknya, hayü ngelei nyü, hatü cheihinaüthü” shei jangei e.

1 THESALONIKA 2:14

Mehenangkü jeihinaü hatü nyahinaüthü, amphongü Khrista Jisu kü Judealei nyupü Kahvangei attoithü kapipü am leiteke; mehenangkü jomi Jehoda am leipü shangpong heüpükei amphongao laophülei kahmük kübü shennyakthü leipü aihük shanghah dangteke.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

PHONGSHANTHÜ DOU 9:6

Shejao yaongtuh, hatü chingnyülei aongtuh, hatü nüngi mehe dükhen nüng kü ephahen” shei e.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

2 TIMOTI 4:22

Shembüpa nüngei laangha mü nyute. Phahji amphong mü nyute.

1 KORINT 14:33

mehenangkü Kahvangü podongpolong Kahvang nevai, shejao chingmei Kahvang.

JOHAN 15:14

Ngei am kü epü dükjema amphongü ngelei küphüthü.

1 JOHAN 3:22

hatü jeni mehe yü, jeni büpa leipü dangnyeih; mehenangkü jeni büpalei shahkungthü bangnyeih hatü büpai monghahbenüng düknyeih.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

1 KORINT 4:16

Ngelei yangnyu lappü hük yahtuh shei ngei am kü khümnyeih.