PHILIPPI 4:6 - DAÜLANGPÜ LAIHING (BSI)

⁶ Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,

PHILIPPI 4:6 Referans Kwoze

1 PETER 5:7

Ammei mongshang peü büpa touei tuhphongtuh; mehenangkü büpai am kü jungnyeih.

MENVIH KESHO 55:22

Nüngei hanggovih Shembüpa kü nyanphongtuh, hatü büpai nüng yangei tuhhen; büpai daülangpüthü mechemao nedohüpih.

MATHI 6:8

Ammi jom kei tedük; mehenangkü ammi ehen shekü ammei Pa-i nyingnyüke.

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

KANDOK 16:3

Nüngi dükpü lemphü Shembüpa kü lanei shuohtuh, shejüang nüngei küpjanthü kü aokpü danghen.

MENVIH KESHO 62:8

Hepak peü kü büpa kü hinglemtuh, Oh nanglakthü; ammei mongdang büpa kü ngaiyei shuohtuh; mehenangkü Kahvangü jen loishing.

KOLOSI 4:2

Phoppü kü lanei shuohtuh, hatü menvih shuoh-ei hapa kü thashimashi nyutuh.

EPHESIA 6:18

Hepak peü kü phoppü hatü yüpü lemphü kü Laangha kü phoptuh. Ha vaipü nangkü mükpaonathashi nyutuh hatü düngei daülangpüthü shingvaishi phopei nyutuh.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

LUK SHAHSHA APPÜ 18:1

Hahepak kü Jisui jomphong kü düngei phophen hatü mong nemahhen vongbong shei shahlap hük eteke.

LUK SHAHSHA APPÜ 12:22

Hapheikü Jisui büpalei nanglomthü kü e, “Hanangkü ngei am kü enyeih, ammi ammei yangnyu shingvaishi mehe hahhen nevaijü mehe owhen shei mongteshang.

MENVIH KESHO 51:15

Oh Shembüpa, ngelei ju apshih, hatü ngelei jui nüngei menvih jung baonghen.

KOLOSI 3:15

Khristalei chingmei-i ammei mongkü vanglem lemhütuh; ha shingvaishi büm hük kü phaihan hük leiyei chingmei nyuhen am nyükpeih. Ha kü am men vihtuh.

1 SAMUEL 30:6

Davidü longpü vongshüh kü nyu; peüi büpa kü yaongi shükei jühen eteiyei nyu; mehenangkü nanglakthü kemei laophülei nyüha hapeüthü nangkü longi shahyaki deihshi nyu. Shejao Davidi Shembüpa Kahvang leipü wong dangteke.

EPHESIA 5:20

Düngei Pa Kahvang kü hatü lemphü shing jenei Shembüpa Jisu Khristalei men kü menvih shuohtuh.

MENVIH KESHO 55:17

Dhom, om hatü nyihnüng ngei thepei lennyeih, hatü büpai ngelei ngeü dannyeih.

LUK SHAHSHA APPÜ 10:41

Shejao Shembüpai pinnyü kü e, “Martha, Martha, nüngü dou longi nyupü nangkü mongshangei nang nekongi nyunyüke;

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

MATHI 10:19

Mechem jomi am lanei shuohhen, ammi mekei ehen, mehe ehen shei mongteshang; ammi mehe ehen ha hepak kü ngei am kü yahphahen.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

LUK SHAHSHA APPÜ 12:29

Mehe hahhen, mehe yinghen shei deihpai mongshangei teshüktei.

1 SAMUEL 1:15

Shejao Hannah-i jangei, “Hapakei nevai, ngelei shembü, ngeiyü longi mongshang kü nyupü nyüha hih, ngei yiü neyingangpih. Shembüpa kü ngelei mongshang eshouhnyeih.

2 KORINT 1:11

Ammi ham mü phoppü kü omei sheühpü keiha longi phoppü homei ham kü shuohpü moihiman shingvaishi hamei men kü longshi shing menvih shuohhen.

1 KORINT 7:32

Am mongshang neshiüi nyemnyu shei ngei deihnyeih. Shem neyempü shennyakü Shembüpalei dousho aokhen, mekei etü Shembüpa mongmeihühen deihshi nyunyeih;

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

DANIEL 3:16

Shadrakh, Meshakh hatü Abednego hathüi ongpa kü, “Oh Nebukadnezzar, hapa nangkü shei hamphongi nüng touei yanglem linghahhen nadang neshiü.

2 SHÜPPÜKENGPÜ 32:20

Hahepak kü Hezekiah ongpa hatü Amozlei cheha Isaiah thibü nyi-i hapa nang eshi vangsho am kü lenei phop,

1 SAMUEL 7:12

Hapheikü Samueli yaong hük yah-ei Mizpah hatü Shen nyi aa kü haong, hatü büpai hapa kü Ebenezer lappai, “Hajük thahshi Shembüpai ham kü sheühpeih” shei nyükteke.

SOLOMONEI KESHO 2:14

Oh ngelei athubayü yaong aa kü, hatü yaongvak aamei joshi nyüke, Ngei kü nüngei dhe hushih, ngei kü nüngei ngeü danhütuh; Mehenangkü nüngei ngeü vüngnyangi, hatü nüngei dhe bamhüshi nyüke.

1 KORINT 7:21

Am kü nyükshingkü am aa vaishi nyupü je? Hapai am mongteshanghü. Am bümei paoh dangjao sheleipü mao nyeishi shaang hapa laphen kü meipüba kü nyutuh.

1 ONGPATHÜ 8:28

Oh Shembüpa, ngelei Kahvang, nüngei chongphobüi phoppü hatü phepü kü dhaong shangshih. Shinnyih nüngei chongphobüi phoppü hatü lenpü banglangshih.

JEREMIAH 32:16

Neriahlei cheha Barukh kü ngei dou shakpü lai shuohpheikü ngei Shembüpa kü phop.

DANIEL 6:10

Shaang, mechem Danieli shahkungnyü yanteke shei danpa, büpa shemei leiyei büpai düngei phopteipükei shem jaandokei aongei Jerusalem phi kübü ümha shadenthü aptü nyih kü jempa jempa aümei shaei büpalei Kahvang kü phop hatü menvih shuohteke.

MATHI 6:34

Hanangkü ngenyihpü jung deih-ei mongteshang; mehenangkü ngenyih-ao ngenyihpülei mongshang koei peikahen. Shinnyihpülei mongshang shinnyih shing changshi nyüpeih.

1 TIMOTI 2:1

Shongpüba kü yüpü, phoppü, mih shing phoppü hatü menvih-ei phoppü peü shing,

1 TIMOTI 5:5

Vaümnyü, üpa monha nyu, Kahvang kü monglemnyüke hatü nyakhingai thüngei yüpü hatü phoppü kü nedoh-i nyunyüke;