PHILIPPI 4:5 - DAÜLANGPÜ LAIHING (BSI)

⁵ Amphong inpünyaipü peü kü nyinghütuh. Shembüpa yopailei nyüke.

PHILIPPI 4:5 Referans Kwoze

MATHI 6:25

Hanangkü ngei enyeih, nüngi mehe hahhen, mehe yinghen nevaijü mehe owhen shei nüngei büm nangkü nüng mongteshang. Hahying mao yangnyu, hatü ashakviha mao büm longpü nevaipü je?

TITUS 3:2

üpa kao ten ne-ehen, depülaopü nenyuhen, inyainyemi nyuhen, hatü peü touei nenteiaokpü huhen eyeishuoh.

HEBREW 10:37

Mehenangkü maani mon angpheikü, “Üpa peikahen nyu, büpa peikahen, hatü pheiyei nenyuhen.

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

1 KORINT 6:7

Hingmei meyü hüki hük khüei shahphen shingei daihenü amü aokpü nedangpü am leidainyüke. Nejiüi vaijao nyemdükphamam. Güh-ei vaijao nyemyahlangmam.

HEBREW 10:25

Jeni chemi thaiteipü netuhphonghen khih; hanei amü yemya vaishi hapakei düknyüke– hatü nyeinya vaishi Nyih ngoikünyüke shei ammi eenyüke.

SHAKEI VAMPÜ 22:7

“Veituh, ngei lomi yiükünyeih! Üpai hapa lai kübü thihivam shahthü bangei notei moihiman.”

1 KORINT 8:13

Hanangkü ngei mehe hah, ha homei ngelei jeihinaü mang thahhüjema, ngei büpa mang kü nevüshihhen shingvaishi ngei hajük kü phai nehahhen khih.

MATHI 6:34

Hanangkü ngenyihpü jung deih-ei mongteshang; mehenangkü ngenyih-ao ngenyihpülei mongshang koei peikahen. Shinnyihpülei mongshang shinnyih shing changshi nyüpeih.

SHAKEI VAMPÜ 22:20

Hathü dou jung denpü shuohpübai, “Hingmei, ngei lomi yiükünyeih” shei enyüke. Amen. Yiükei, Shembüpa Jisu!

1 PETER 1:11

Khrista shangponghen hatü hapheikü müshi müknyinshekhanghen nang jomi tetshingkü jom kü nyupü Khristalei Laanghai hupü hapa hepak hatü laphen yemei danghen kheteke.

1 KORINT 9:25

Ngapüthüi longi ungei-aeiyei nyuh-ei mannyüpeih; jomi hapayü mahdaihen chüyük danghen shingvaishi düknyüpeih, shejao jenü nemahbenüng hük danghen shingvaishi düknyüpeih.

2 THESALONIKA 2:2

Shembüpalei nyih ngoiteke shei hamphong leipü peipeih shei eshi thihivam shah, nevaijü shah mü, lai mü peiyei nyujema am mong nejenlenhen nevaijü mongneshanghen shingvaishi khümei enyeih.

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.