PHILIPPI 4:4 - DAÜLANGPÜ LAIHING (BSI)

⁴ Shembüpa kü düngei mongongtuh; shao ngei enyeih, “Mongongtuh.”

PHILIPPI 4:4 Referans Kwoze

ROM SHAHSHA APPÜ 12:12

Monglempü kü mongongtuh, shangpongpü munentuh, phoppü kü nyakeikentuh.

PHILIPPI 3:1

Shompülei ngelei jeihinaü hatü nyahinaüthü, Shembüpa kü mongongtuh. Aihük douthü jung shao am touei nyanghenü ngei shingvaishi shanghah nevai, hatü hayü am shing yanglem nyüke.

MATHI 5:12

Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

MENVIH KESHO 146:2

Ngei nyu-aa thahshi ngei Shembüpa vihhen; ngelei yangnyu den kemei ngei ngelei Kahvang menvih kesho lokhen.

PHONGSHANTHÜ DOU 16:25

Nyak jiam kü Paul hi Silas nyi Kahvang kü phopei hatü kesho lokei nyu, hatü khoklatei küppüthüi jiji kü bangei nyu.

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

GALATIA 1:8

Shejao hami vaijao nevaijü vangsho leipü phongshani vaijao hami am kü venpü shahjangmei mü lenei lebü shahjangmei venphüjema, hathü den den kü thaüvaütüktuh!

MENVIH KESHO 33:1

Shembüpa kü mongongpai loktuh, amphong daülangpüthü; Daülangpüthüi büpa vihhen bah-angpeih.

HABAKKUK 3:18

shejao ngei Shembüpa kü mongonghen; ngei yemleipü Kahvang kü ngei mongmeihen.

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

PHILIPPI 2:18

hatü ha aimü amphongao ngei mü mongongtuh hatü mongmeituh.