PHILIPPI 4:19 - DAÜLANGPÜ LAIHING (BSI)

¹⁹ Khrista Jisu kü müknyinshekhang mop aimü ngelei Kahvangi am napü peü hüshemhühen.

PHILIPPI 4:19 Referans Kwoze

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

MALAKI 3:10

Ngelei shemei hahying changshi nyuhen shingvaishi ammei ankhong moila peü tuhshingei yah-ei peikei, hatü ammi hapa tuhshing neshiüi manglei thahshi vangsho shaden aptü moihiman bhuh-eilinei yahphahen hi neyahphahen shangkü ngei kü doktuh hatü veituh shei Shembüpa Kahvangi enyüke.

NEHEMIAH 9:15

Jom aeipü kü nüngi vangsho leipü hahying shuoh, hatü jom yung lepü kü yaong leipü yung shuoh, hatü nüngi jom kü shuohhen shei lahpü kahdok yahnüng daihen eteke.

2 SAMUEL 22:7

Ngelei shanghah kü ngei Shembüpa kü nyük; ngei ngelei Kahvang kü nyük. Büpalei khümshem leipü ngei lenpü büpalei dhaongei shü.

MENVIH KESHO 36:8

Jomi nüngei shem leipü hahying hahnyüke, hatü nüng mongongpü yungyen leipü yung yingshuohnyüke.

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

EPHESIA 3:16

Büpalei müknyinshekhang mop shangshi, büpalei Laangha homei büpai ammei mongpa shennyak wong kohhühen ngan shuohhen nangkü,

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

ROM SHAHSHA APPÜ 8:18

Shaangpü hepak kü hanghipeyü jen touei shakei vamkahen nyupü müknyinshekhang mü shetteihen shangei neshiüpih shei ngei deihnyeih.

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

ROM SHAHSHA APPÜ 9:23

Müknyinshekhang shingvaishi büpai yeihshi mebü phahji huhen shei lingpüthü kü büpalei müknyinshekhang mop nyinghühen nangkü büpai ha dükjao meheang?

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

MENVIH KESHO 130:7

Oh Israel, Shembüpa kü monglemtuh! Mehenangkü Shembüpa mü bampü nyüke, hatü büpa mü yemleihen wong longpü nyüke.

MENVIH KESHO 104:24

Oh Shembüpa, nüngi douthü longi lingteke! Kihikon kü nüngi hathü peü ling; kahdoknyü-ü nüngei yemhimakthüi maei nyüke.

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

EPHESIA 2:7

Hanangkü ngoikahen denthü kü Khrista Jisu kü büpai jen kü bampü shetei neaokpü büpalei phahji mop huphahen.

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

2 SHÜPPÜKENGPÜ 18:13

Shejao Mikaiah-i, “Vanyangyem Shembüpalei men kü ngei ngelei Kahvangi mehe enya, ha mon büpa kü ehen” shei e.

KAHBHAO 48:15

Joseph kü moihimanei hapakei e: “Kahvang üpa kü ngelei bühipai chongphopa, Kahvang üpai shinnyih thahshi ngelei yangnyu müpa,

DANIEL 6:22

Mailangthüi ngei kü neshükhen shingvaishi ngelei Kahvangi büpalei vangsho phongshan shomei jomphongei ju kümtükpeih; mehenangkü ngei büpa touei mang neshiü, hatü nüng toueiyao pungpü neshiüpü nangkü büpai hapa dükpeih, Oh Ongpa” shei e.

ROM SHAHSHA APPÜ 11:33

Oh Kahvangei mop meshük longpa! Büpalei kihikon hatü nyingpühingpü meshük chüpa! Büpa shahphenpü mekei yemei neaokbenüng, hatü büpalei lemthü mekei neyaobenüngang!

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

ROM SHAHSHA APPÜ 1:8

Shongpüba kü ngei am peü shingvaishi Jisu Khrista homei ngei ngelei Kahvang kü menvih shuohnyeih; mehenangkü am vaipü jung kahdoknyü peü lemei baongeiyaüei daiteke.

JOHAN 20:27

Hahepak kü büpai Thomas kü, “Nüngei lakjaangi hammü yuktuh, hatü ngelei lak kü veituh. Nüngei lak deiyei ngelei haampat kü yuktuh. Nüng tejü-ü shejao hinglemtuh” shei e.

JOHAN 20:17

Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

PHILEMON 1:4

Ngei phoppü kü nüng deih-ei ngei düngei Kahvang kü menvih shuohnyeih;

2 KORINT 12:21

Shao mechem ngei am touei peihenshang, ngelei Kahvangi ngei am touei maanei leihühen, hatü üami shelei mang thahtü jomi dükpü nedaünelang, mükbongjuyung, shahkung mangpü kübü mong nelep, hathü longi nangkü ngei mongkü tünghen mü shiühen khih shei ngei yingei deihnyüke.

NEHEMIAH 5:19

Ngei nanglakthü shingvaishi hathü peü dükpü kü ngei kü phahjiei deihte, Oh ngelei Kahvang.

MATHI 6:32

Mehenangkü Kung ami hathü peü yemnyeih; vangsholei nyupü ammei Pa-i hathü peü ammi nanyeih shei nyingei nyüpeih.

PHILIPPI 4:7

hatü nyingpühingpü peü kü nyeipü Kahvang chingmeilemlingi Khrista Jisu kü ammei mong hatü sholi yomhen.

2 SHÜPPÜKENGPÜ 31:8

Mechem Hezekiah hatü büpalei lakchongbüthüi hathü shüngpü eepa, jomi Shembüpa kü menvih shuoh, hatü Israel nanglakthü kü moihiman.