PHILIPPI 4:18 - DAÜLANGPÜ LAIHING (BSI)

¹⁸ Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

PHILIPPI 4:18 Referans Kwoze

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

PHILIPPI 4:12

Maani nyuhen ha mehe ngei nyingtih, hatü changshi nyuhen ha mehe ngei nyingtih. Mehe laphen vaihenshang peü kü hüshemei nyuhen nevaijü aeiyei nyuhen, changshi anghen hatü taoei nyuhenao ngei nyingtih.

2 KORINT 9:12

Ammi dükpü hapa dousho-ü Kahvangei nanglakthüi napü kü shuohpü mon nevai, shejao Kahvang kü menvih longi shuohpü kao aüh-ei yenhünyüke.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

2 THESALONIKA 1:3

Jeihinaü hatü nyahinaüthü, am shingvaishi hami düngei Kahvang kü menvih shuohhen vongbong nyüke, hatü ha jiüphei; mehenangkü am hinglempü nyeinya nyeinya longnyüke, hatü am hüki hük kü bamteipü nyeinya danyüke.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

MÜLANGPÜ 29:18

Mi büm kemei moidü shangei jakei moila shuohtuh; hapayü Shembüpa kü jakpü moila nyüke; hapayü Shembüpa kü vong meipü aw kü jakpü moila shuohpü nyüke.

BHEI-IE 15:3

ammi mohoh nevaijü mi yah-ei Shembüpa kü vong meipü bühen shingvaishi jakpü moila nevaijü hayaoha vangpüshuwpü moila nevaijü mongong moila nevaijü mohitap moila aw kü jakei shuohtuh.

PHONGSHANTHÜ DOU 10:4

Büpai büpa kü nyemei veitü, “Shembüpa, meheang?” shei e. Büpai, “Nüngi phoppü hatü nüngi mih kü sheühpü nebehen mü Kahvang ngoiteke.

2 KORINT 11:8

Am kü sheühhen tata kü ngei lebü attoithü leipü sheühpü yahpai ngei jom leipü gühpü kei leiteke.

BHEI-IE 7:62

hon nükshung hük dokshuohjü gram 110, ha kü ayingshü maei shihtü;