PHILIPPI 4:1 - DAÜLANGPÜ LAIHING (BSI)

¹ Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

PHILIPPI 4:1 Referans Kwoze

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

1 KORINT 16:13

Thashimashi nyutuh, vaipü kü wong kohshi yaongtuh, am monglongtuh hatü wong kohtuh.

PHILIPPI 2:16

Ammi yangnyu shah kü wongshongi shoungpü homei ngei angsha kü nemok, nevaijü dou nedük shei Khristalei nyih kü ngei changmeiaokhen.

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

PHILIPPI 1:8

Khrista Jisu bampü kü am peü nangkü ngei mekei ongyangnya ha jung Kahvangü ngelei denbü nyüke.

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

JOHAN 8:31

Hahepak kü Jisui Jehoda am büpa kü hinglempüthü kü, “Ammi ngelei shah bangjema, am hingshangpü ngelei nanglomthü;

2 TIMOTI 2:1

Nüng, ngelei hapeü, Jisu Khrista kü nyupü phahji kü wong kohtuh;

PHILIPPI 2:26

mehenangkü büpai am peü deih-ei ongyanghampeih, hatü büpa tüngpü ammi danpü nangkü büpa mongshangei nyuteke.

2 KORINT 1:14

Ammi ham nang maani mon nyingnyüke; ammi ham nangkü changmeipü keiha Shembüpa Jisulei nyih kü hami am nangkü changmeihen.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

PHONGSHANTHÜ DOU 2:42

Jomphongi phongshanthüi nyuhpü kü hatü mongjempü kü, aan bhaokei hatü phoppü kü lanei shuoh.

MENVIH KESHO 125:1

Üami Shembüpa kü hinglem, Zion Kahshang kei nyuhen, ha mechemao shing nechaihen, shejao den kü lakshing nyuhen.

2 PETER 3:17

Hanangkü bampü küphüthü, ammi ha yeihshi nyingphei vütei-i shahkung mangpü shennyakthüi pungpü kü am müei nedaihen, hatü am yangei nyupü laphen kübü nedohhen kenhingtuh.

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

2 THESALONIKA 2:15

Hanangkü jeihinaü nyahinaüthü, ju kübü vamei epü shah vaijao lai mü nyangpü vaijao hami am kü nyuhpü nyuhpüvenpü kü wongshongi yaongtuh hatü shoungtuh.

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

GALATIA 5:1

Mehenangkü bümei shingvaishi Khristai jen bümei leihüpeih. Hanangkü wong kohshi yaongtuh, hatü aalei pang kü shao tepaai.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

JOB SHAHSHA APPÜ 31:36

Hingmei ngei hapayü ngelei bhagchongei paihen, hatü hon athen keiha ngei ha thenhah shepeih.