PHILIPPI 3:9 - DAÜLANGPÜ LAIHING (BSI)

⁹ hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

PHILIPPI 3:9 Referans Kwoze

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

GALATIA 2:16

shejao shennyak hüki shahkungnyü dükpai nevai, shejao Jisu Khrista kü hinglempü homei dahshaknyeih shei jeni nying. Khrista kü hinglempai jen dahshakpü danghen shingvaishi jeni Jisu Khrista kü hinglemei peiteke, hatü hayü shahkungnyü douthü dükpai nevai; mehenangkü üpaiyao shahkungnyü douthü dükpai dahshakei neaokpih.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

ROM SHAHSHA APPÜ 1:17

Mehenangkü shahjang meipü kü Kahvang daülangshemshepü shakei vamteke; hapayü pangpü kübü dohpü ngoishi hinglempü homei daülangshemshepü; hapakei nyangei nyüke: “Daülangpüthü hinglempai mon nyuhen.”

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

JEREMIAH 33:16

Hathü nyih kü Judah hatü Jerusalem am yangei nyuhen. Hapa chingnyü kü, “Shembüpayü jenei Yemleipüba” shei nyükhen.

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

2 KORINT 5:17

Hanangkü hanei ami Khrista kü nyujema, büpayü ja bühpü; chang lemphü peihdaiteke, veituh, lemphü ja leiteke!

PHILIPPI 3:6

nyakpükenpü philei attoi kü shüveipü, shahkungnyü phangkü daülangpü phikü eela neshiüpü.

ROM SHAHSHA APPÜ 10:10

Mehenangkü shennyaki mongdangi hinglempai dahshaknyeih, hatü jui lahpai yangnyeih.

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

CHONGVENBÜ 7:20

Kahdoknyü kü mang nethah-i jiüpü mon dükpü daülangpü shennyak üpayao neshiü.

MATHI 9:13

Shejao daituh hatü, ‘Ngeiyü jakpü moila nevai, phahji napeih’ shei epü mehe lappa, ha nyinghahtuh. Mehenangkü ngeiyü daülangpüthü nevai, mangthü nyükhen peipeih” shei e.

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

MENVIH KESHO 143:2

Nüngei chongphobü shahphenshingei tedei; mehenangkü üpayao nüng touei daülangpü neshiü.

MENVIH KESHO 19:12

Büpai pungpü üpai yepaokhen? Joshi nyupü ngelei mang tükshih.

MENVIH KESHO 14:3

Jom peü lemnyong kü lüdai; jom peü nyongnyongi leidai; mei dükpü üpayao neshiü; hükao neshiü.

2 SHÜPPÜKENGPÜ 32:25

Shejao Hezekiahlei mongkü changmeiyei deih hatü büpa kü hushuohpü phahji kü mongongei nedeih; hanangkü büpa, Judah hatü Jerusalem kü hanghi pei.

1 ONGPATHÜ 8:46

Mechem nüngei nanglakthüi nüng khüei mang thahhen– mehenangkü mang nethahpü hükao neshiü, hatü nüngi jom kü mongshih-ei jomei vepalei lak kü shuohjü vepathüi jomei kahdokei wüpküpei deiyei tailuei nevaijü yopailei tuhshingkü,

KAHBHAO 7:23

Kahdok shak kü yemmü nyupü hangkuli, yemhamakha, ouhiyüh peü thitei yaktük. Shejao büpa mü jahas mongei nyupüthü mon yangteke.

1 JOHAN 3:4

Üpai mang thahnya shahkung mangnyüke; mehenangkü mangü shahkung mangpü nyüke.

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

JAKOB 3:2

Jen peüi longi pungnyüpeih. Üpai epü kü nepung, büpayü changpüshapü, hatü laophülei büm kemei shümei tuhaokpü nyüke.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

ROM SHAHSHA APPÜ 16:7

Ngei mü khoklatei nyupü ngelei shem am Andronikus hi Junias nyi kü selam ete; jijiyü phongshanthü khongkü shongnyü, hatü ngei shekü jijiyü Khrista kü nyuhampeih.

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”

2 SHÜPPÜKENGPÜ 32:31

Shejao mechem Babylon am vanglem lempüthüi kahdok kü mehe mehe yashanshi nyangeihepü vampü jung phehen shompa, Kahvangi büpa kü dokhen hatü büpalei mongei deihpü lemphü nyinghen nangkü büpa mon tuhphong.

SHAHKÜP 27:26

“Kahvangei shahkungthü nebangpü shennyak kü thaüvaü hettuh.” Hahepak kü nanglak peüi, “Amen!” shei ehen.