PHILIPPI 3:8 - DAÜLANGPÜ LAIHING (BSI)

⁸ Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

PHILIPPI 3:8 Referans Kwoze

ROM SHAHSHA APPÜ 8:18

Shaangpü hepak kü hanghipeyü jen touei shakei vamkahen nyupü müknyinshekhang mü shetteihen shangei neshiüpih shei ngei deihnyeih.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

PHILIPPI 3:7

Shejao ngei mehe mehe nanglei dang, shaang ngei Khristalei men kü lomoh shei deihnyeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

2 PETER 1:3

Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.

1 KORINT 2:2

Jisu Khrista hatü büpa shophang kü appü jung mü lenei meheyao am kü nenyinghühen deihpeih.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

JOHAN 14:20

Hapa nyih kü ngei Opa kü nyüke, amphong ngei kü nyüke hatü ngei am kü nyüke shei nyinghen.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

JOHAN 14:7

Ammi hingshangi ngei nyinglang meyü ammi Opayao nyinghen vaipeih. Shaang mü leitü ammi büpa nyingnyüke hatü eeteke” shei e.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

EPHESIA 4:13

hatü jen peü vaipü kü mongjemei, hatü Kahvangei Ha nyingpü kü behe leiyei Khristalei shaohi-ang thüei manglei thahshi ha dükhen büpai hathü shuohpeih.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

2 TIMOTI 4:6

Ngei shingvaishiyü jakpü moila yiü langpükei leidaiteke, hatü ngelei yangnyu lüdaihen hepak ngoiteke.

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 16:3

Jomi Opa nevaijü ngei nenyingpü nangkü jomi ha dükphahen.

MENVIH KESHO 126:6

Üami haihen sheili kotü thepyaki dainya, manang kotü shemei mongongpai leneiwongei leihen.

1 JOHAN 2:19

Jomü jen kübü lüdaipeih, shejao jomphongü jen khong nevai; jomphong paoh jen khong vailangmeyü jomphong jen mü nyuhah shepeih. Shejao jen toueipü lüdaipü homei jomphongü jen khong nevai shei lekei hunyüke.

1 PETER 2:7

Shaang am meshüki hapa yaong kü douvang shei hinglem, hapayü douvang, shejao üami ha kü hingnelem, hathü shingvaishi hapayü, “Shem vepüthüi yaktükpü yaong peü mü shongnyü shoukbaong yaong leipeih.”

GALATIA 1:16

ngei Kung am touei büpa jung baonghen büpai laophülei Ha ngei touei shakei vamei huhühen mongongei deih; hanangkü ngei hangku leipü shahnying neyemtei,

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

1 KORINT 9:10

Büpai hayü jenei men kü epü nevaipü je? Hih, hapayü jen shing nyangpeih; mehenangkü üpai han hoknya hatü üpai hah tennya, hapa hah kübü phaihan danghen monglempü kü dükhen vongbong.

JOHAN 20:13

Jiji-i pinnyü kü, “Nyüha, nüng mehekei thepnya?” shei e. Pinnyüi jiji kü, “Jomi ngelei Shembüpa yah-ei lüdaiteke, hatü jomi büpa melei tuhtükpüshang ngei nenyingang” shei e.

LUK SHAHSHA APPÜ 11:20

Shejao ngei Kahvangei ngani mang laanghathü changtükjema, Kahvang ongching am touei peiteke.

BHEI-IE 14:30

üpayao Jephunnehlei cheha Kaleb hatü Nunei cheha Joshua nyi mü lenei ngei am kü chingyah kahshenei bükhishem lingei anghen shei lahpü kahdokei neshüaokhen.

LUK SHAHSHA APPÜ 1:43

Ngelei Shembüpalei nyü leihen mü ha ngei kü mehekei hetpa?

MALAKI 2:3

Ngei ammei dhe kü ammi moilapü yemhimakei nühinami nyiohen, hatü am hapa nühinam shingei yah-ei daihen.

JOB SHAHSHA APPÜ 20:7

büpalei vom daipü shepükei büpa mahdaihen; hatü büpa eepüthüi, “Büpa melei daipa?” shei ehen.

2 ONGPATHÜ 9:37

Üpaiyao hayü Jezebel khih shei nenyingaokhen mü Jezreel kahdokei Jezebelei bümü nühinam kei yaüshi nyuhen’ ” shei eteke.

1 ONGPATHÜ 14:10

Hanangkü ngei Jeroboam am shem kü shanghah koei peihen. Ngei Israel kü Jeroboam am shem kübü baha hapeüthü longpü maanpü, hatü aa, hatü bümeithü kemei jütükhen. Ngei Jeroboam am shem mangsho thahshi nyüphinya jakpükei jaktükhen.

MENVIH KESHO 73:25

Nüng mü lenei ngei üpa angpa? Nüng mü lenpü ngeilümpü hapa kahdok kü meheyao neshiü.

ROM SHAHSHA APPÜ 8:39

shaopü vaijao, chüpü vaijao, lingpü douthü kü mehe vaihen vaijao mepaiyao Khrista Jisu, jenei Shembüpa kü Kahvang bampü kübü jen yantükhen neaokpih shei ngei mongkü pongnyüke.

PHILIPPI 1:1

Khrista Jisulei chongphobü Paul hatü Timoti nyi-i Philippilei nyupü Khrista Jisu kü vaipü nanglakthü, hatü attoi mübü hatü deaconthü touei,

PHILIPPI 3:12

Ngei ha peü dangtih nevaijü ngei changpüshapü ngoitepih shei nevai, shejao ngei hapayü ngelei vaihen shei changei dainyeih; mehenangkü Khrista Jisui ngei büpa lompü leihü.

2 PETER 1:2

Kahvang hatü Jisu jenei Shembüpa nyingpü kü changpüshapü phahji hatü chingmei ammei vaituh.

2 PETER 1:8

Mehenangkü hathü meipü ammei vaihüjema hatü am mü nyeinya dahüjema, hathüi jenei Shembüpa Jisu Khrista nyingpü kü am wong nekoh-i hatü betjük nejüki neleihühen.