PHILIPPI 3:19 - DAÜLANGPÜ LAIHING (BSI)

¹⁹ Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

PHILIPPI 3:19 Referans Kwoze

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

KOLOSI 3:2

Kahdoknyü douthü kü nevai, shangphi leipü douthü kü ammei mong tuhtuh;

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

2 KORINT 11:15

Hanangkü büpalei chongphobüthüi daülangshemshepülei chongphopüthü shei yeiyaei hupü kü thamahen neshiü. Dohpülei jomei douthüi shangpükei jomi danghen.

2 KORINT 11:12

Lebü phongshanthüi changmeihen hatü hami dükpü dou hükkeipü jomiyao düknyeih shei ngam yahhen kübü bangtükhen shingvaishi ngei shaang mehe dou düknya, ha nedoh-i dükei daihen.

HOSEA 4:7

Meshükpa ngongpathü nyeinya dahenshang, hajükpa ngei khüei nyeinya mang thahnyüke; Jomi jomei müknyinshekhang veüpong mü jeiteinyüke.

2 PETER 2:13

Jomi nejiüpü dükpü nangkü jomao shanghahnyüke. Nyihnüng mongong monglehenü mong hambenüng shei jomi deihnyüke. Ammei mohitap kü jom hahyingei mongmeipeyü veübenüng hatü kawhikang nyüke.

GALATIA 6:13

Japtükpüthüi dangkao shahkung nebangnyu, shejao jomi ammei phai nangkü changmeinüng shei ammao shuw japhühen deihnyüke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

JUD SHAHSHA APPÜ 1:16

Ha shennyakthüyü nümnümpü hatü mih-ei mang yempüthü; jomi mangi vaüpü lem kü münyüke; jomi bom bhaopükei shah enyüke, hatü jom vangmeihen tata kü mih yawhlangnyüke.

2 TIMOTI 3:4

vaipü kübü yandaipü, jiüjiükei dükpü, awdapü, Kahvang kü bamhen nangjei mongongmongle kü bampü,

1 TIMOTI 6:5

hatü sholi mongdang tendai, shahhing neshiüi düngei dokteikhaungkhei vamnyeih. Kahvang yempeyü mop danghen lem shei jomi deihnyüke.

2 THESALONIKA 2:12

shejüang shahhing kü hingnelempüthü shejao mang kü mongongpüthü nyonghühen.

PHILIPPI 2:21

Peüi laophü lomja meihen deihpü mon, Jisu Khrista nang deihpü neshiü.

1 KORINT 5:6

Am changmeipeyü doumei nevai. Maanpü daw homei aan kemei paaidainyeih shei ammi nenyingnyu je?

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?

MALAKI 1:12

Shejao ammi Shembüpalei moidü sheihdaiteke shei epai, hatü yaktükpü hahying moila shuohpai ngelei men tentükteke.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

JAKOB 4:16

Hapakei am changmeiyei awdanyüke; hapakei awdapü peü mang nyüke.

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

LUK SHAHSHA APPÜ 18:4

Kanja shing büpai nemong; shejao pheishi büpa nyingi, ‘Ngei Kahvang kü nenyem hatü nanglak kü dhüm neshuohjao,

LUK SHAHSHA APPÜ 16:19

Chem shemmeipa hük manghmepü ow, hatü nyemin ashak owtü nyihjeih mo moei mongongshi nyu,

LUK SHAHSHA APPÜ 12:19

hatü ngei ngelei laangha kü, ‘Laangha, bong longi shingvaishi mop changshi tuh-ei nyüke; nyiumeituh, hahtuh, yingtuh hatü mongongtuh’ ” shei e.

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

MATHI 16:23

Shejao büpai yaakei leiyei Peter kü, “Ngei toueipü lüdaituh, Satan! Nüngü ngei kü huluh yaong khih; mehenangkü nüngei mongei Kahvangei mongdeih nevai, shennyakei mongdeih nyüke” shei e.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

EZEKIEL 34:3

Ammi amma yingnyüke, mimum ashak ümnyüke, ammi nitshüpü mithü jüei hahnyüke, shejao hathü kü nejungnyu.

MENVIH KESHO 52:1

Ammei mang kü mehekei monglongnya, Oh wong kohpü shennyak? Heluyang kemei mehekei changmeinya, amphong Kahvang khüei ten dükpüthü?

SHAKEI VAMPÜ 18:7

Pinnyü laophü nyingi duhah-ei, hatü nyiumei kü nyupükei pinnyü kü hanghi mongshang yah-eishuoh. Pinnyülei mongei pinnyüi, ‘Ngei onglanyü kei vanglem lemnyeih, ngeiyü vaümnyü nevai, hatü ngei mongshang mechemao nepongpih’ shei enyüke.

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

ROM SHAHSHA APPÜ 6:21

Shejema ammi shaang veüei deihpü dou dükei nyushingkü ammi mehe nanglei dangpa? Hathü douei dohpütenpeyü dipü nyüke.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

1 SAMUEL 2:29

Nanglakthü kü yüpü jakpü moila hatü lebü moilathü kü mehekei hahnemei, hatü ngei kü dhüm shuohhen nangjeiyei Israel ami shuohpü moila kübü hean meipü üh-ei anhanyi kü-ang dhüm shuohnya?

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

2 THESALONIKA 1:9

Hathüyü Shembüpa, hatü büpalei müknyinshekhang ngan kübü yanei nedohnetenpü mahpü hanghi danghen,

JUD SHAHSHA APPÜ 1:10

Shejao ha shennyakthüi jomi nenyingaokpü peü kü yaünyüke, hatü jomphongü hathü doui-üng mahhünyüke; jomi sholi neshiüpü yemhathü kei nyingnyoi kü lepü mon nyingnyüke.