PHILIPPI 3:1 - DAÜLANGPÜ LAIHING (BSI)

¹ Shompülei ngelei jeihinaü hatü nyahinaüthü, Shembüpa kü mongongtuh. Aihük douthü jung shao am touei nyanghenü ngei shingvaishi shanghah nevai, hatü hayü am shing yanglem nyüke.

PHILIPPI 3:1 Referans Kwoze

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”

ROM SHAHSHA APPÜ 5:11

Shejao hapa mü nyeishi jen shaang mongjem pongpü jenei Shembüpa Jisu Khrista homei jen Kahvang mü shepei shahüteke.

JAKOB 1:2

Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

1 THESALONIKA 5:16

Düngei mongongtuh;

PHILIPPI 4:8

Shompülei, bampüthü, mepa shahhing, mepa dhüm kohbenüng, mepa jiüshangpü, mepa daülangpü, mepa bamhübenüng, mepa menvihbenüng nyu, meibenüng nevaijü menvih shuohbenüng lemhük dangkao nyuküjema, henüng keipü douthü deih-ei dangtuh.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

2 PETER 3:1

Bampü küphüthü, shaang hapai nyipabü lai ngei am kü nyangnyeih. Ngei ha lai nyiyü am kü kenhingmongha chudeih vamhen nangkü deihhen shingvaishi ngei khenyüpeih.

EPHESIA 6:10

Shompülei, Shembüpa kü hatü büpalei ngan kü wong kohtuh.

LUK SHAHSHA APPÜ 1:47

hatü ngelei laanghai Kahvang, ngei yemleipü kü mongongnyeih;

ZEKHARIAH 10:7

Ephraim nanglakthüyü hampathü kei nyuhen, hatü jomei mong yiü yingpükei mongonghen. Jomei hühihathüi ha eehen, hatü mongonghen; jomei mongdangi Shembüpa kü mongonghen.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

ZEPHANIAH 3:14

Mongongpai loktuh, Oh Zion nela; Wongmü lentuh, Oh Israel! Ammei mong kempai mongong mongletuh, Oh Jerusalem nela!

JOEL 2:23

Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

MENVIH KESHO 37:4

Shembüpa kü mongongtuh, hatü nüngei mongi lümpü büpai shuohhen.

MENVIH KESHO 32:11

Shembüpa kü mongongtuh, hatü mongmeituh, Oh daülangpüthü, hatü mongongpai lentuham mongdang kangshanginyupüthü peü.

JOB SHAHSHA APPÜ 22:26

Jeiyong Kahvang touei nüng mongong danghen, hatü büpa touei nüngei dhe ngangei veiaokhen.

1 SHÜPPÜKENGPÜ 29:22

Ha nyih jomi Shembüpa touei longi mongongshi hah hatü ying. Jomi nyipabü Davidei cheha Solomon ong vaihen shingvaishi Shembüpa touei thiteiphuei je hatü Zadokü ngongpa vaihen je.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

MATHI 5:12

Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

MENVIH KESHO 149:2

Israel ami laophü Lingbü kü mongmeituh; Zion hapeüthüi jomei ongpa kü mongongtuh.

MENVIH KESHO 97:1

Shembüpai vanglem lemnyeih! Kahdoknyüi mongongtuh; yungching shübaongthüi mongmeituh!

MENVIH KESHO 42:4

Ngei khong mü daipü, hatü Kahvangei shemei khong mütü mongong kesho, hatü menvih kesho lokei daihampü deihshuohjü ngelei mong mangdainyüke.

MENVIH KESHO 5:11

Shejao nüng kü loipüthü peü mongonghütuh; jom mongongpai düngei lokhütuh. Nüng kü bampüthüi mongonghen shangmü nüngi honglangtü jom yangtuh.

NEHEMIAH 8:10

Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

1 SHÜPPÜKENGPÜ 16:10

Büpalei daülangpü men müknyinshekhang; Shembüpa yempüthülei mongdang mongongtuh.

1 SHÜPPÜKENGPÜ 15:28

Hanangkü Israel am peüi Shembüpalei Vangpüshuwpü Pela kotü leneiwongei, nyavaung, amit hatü cymbal, lyre hatü harp vüngei anteke.

1 SAMUEL 2:1

Hapheikü Hannah-i phopei eteke: “Ngelei Shembüpa kü mongongnyeih; ngelei mong Shembüpa kü shangei anshihnyeih. Ngelei jui vepathü kü naamnyi nyinyüpeih; mehenangkü nüngi yangpü nangkü ngei mongongnyeih.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

SHAHKÜP 12:18

Shembüpa, ammei Kahvang touei am hatü ammei hapeüthü, ammei aathü hatü ammei jilalei nyupü Levi am kemei Shembüpa, ammei Kahvangi jepü shingei hathü moilathü hahhen, hatü halei ammi dükpü lemphüli shingvaishi mongongteihen.

1 THESALONIKA 4:1

Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.

ISAIAH 65:14

Ngelei chongphobüthüi mongkü mongongpai kesho lokhen, shejao amü mongkü tüngpai thephen, hatü laangha mangei mahng thephen.

MENVIH KESHO 33:1

Shembüpa kü mongongpai loktuh, amphong daülangpüthü; Daülangpüthüi büpa vihhen bah-angpeih.