PHILIPPI 2:9 - DAÜLANGPÜ LAIHING (BSI)

⁹ Hanangkü Kahvangi büpa shaopülei longei anshih, hatü men peü shak kü büpa kü men shuoh.

PHILIPPI 2:9 Referans Kwoze

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

SHAKEI VAMPÜ 5:12

ngeüwong anei lokei e, “Jütükpü Mi Chehai ngan, mop, kihikon hatü wong, hatü dhüm, müknyinshekhang hatü moihiman yahhen shangpeih.”

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

HEBREW 1:4

hanangkü büpa vangsho phongshanthü mü longpüba lei, hatü büpai mükjüp dangpü menü jomphongei men mü chah-ei meipü nyüke.

MENVIH KESHO 89:27

Ngei büpayü ngelei hashongpa, hatü kahdoknyü ongthü khongkü shaopüba leihühen.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

ISAIAH 53:12

Hanangkü ngei büpa kü longpüthü mü büpalei phaihan shuohhen, hatü büpai wong kohpüthü mü hean hanteihen; Mehenangkü büpai laophülei yangnyu dihen shuoh, hatü mangthü mü bhei-ie kü shih; Shejao büpai mangthü peüei mang kolang, hatü mangthü shingvaishi phop.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

MENVIH KESHO 110:5

Shembüpa nüngei lakdah philei nyüke; büpa mongshihpü nyih büpai ongthü neütükhen.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 91:14

Üami ngei kü bam, ngei jom yanghen; ngelei men nyingpüthü ngei jom yanglanghen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

2 PETER 1:17

“Hapayü ngei bampü Ha, ngei büpa kü mong hahnyeih” shei Jeiyong Müknyinshekhangi epü büpa touei hapa ngeü peishingkü büpa Pa Kahvang leipü dhüm hatü müknyinshekhang dangpeih.

KOLOSI 1:18

Büpayü büm, hakeiha attoi kü shangjing, büpayü chongpangpü, dipü kübü yangei leipü shongpüba. Hanangkü lemphüli kü büpa kü monha shongpü uoshing nyüpeih.

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

JOHAN 17:12

Mechem ngei jom mü nyupa, nüngi ngei kü shuohpüthü nüngei men kü yangei tuhtepih. Ngei jomphong yomtepih, hatü laihingei epü jiühühen shingvaishi mahhen hük daümtükpü mü lenei hükao nemahtük.

EPHESIA 1:10

Hapa küpjanü mechem ha vamhen hepak ngoihenshang, Khrista shangjing vaitepü büpa kübü douthü, vangsho hatü kahdoknyü kübü douthü kemei thailanghen.

2 THESALONIKA 1:12

shejüang jenei Kahvang hatü Shembüpa Jisu Khristalei phahji shangshi jenei Shembüpa Jisulei men am kü müknyinshekhanghen, hatü ammi büpa kü müknyinshekhanghen shingvaishi hami phopnyeih.

HEBREW 1:9

Nüngi daülangshemshepü kü bam, mang kü jiühit; Hanangkü Kahvang, nüngei Kahvangi nüngei küphüthü mü nyeishi nüng kü mongongpü mainga-i phupeih.”

3 JOHAN 1:7

Mehenangkü jomphongü Khristalei men kü nevaipü amei sheühpü meheyao neyah-i yen kü daipü khih.