PHILIPPI 2:6 - DAÜLANGPÜ LAIHING (BSI)

⁶ Nyingnyoi-i büpa Kahvang vaijao, wongi leetei Kahvang mü hükkeipü shei büpai nedeih,

PHILIPPI 2:6 Referans Kwoze

JOHAN 5:18

Ha tata kü Jehoda am nyeinya büpa jühen yem, mehenangkü büpai Sabbath mangpü mon nevai, shejao büpai Kahvang kü büpalei Pa shei nyükei büpa nying Kahvang mü hükkeipü leiteke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

JOHAN 10:30

Opa hatü ngeiyü hük.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

HEBREW 13:8

Jisu Khristayü menyih, shinnyih hatü düngei hükkei khan.

JOHAN 10:33

Jehoda ami, “Hami doumei nangkü nüng kü yaongi shüknüng yaongnyu nevaipih, shejao Kahvang khüei eelapü nangkü hih; mehenangkü nüngü shennyak hük mon tuhtü Kahvang hih shei epü nangkü hih” shei e.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

HEBREW 1:6

Hatü shao mechem büpai kahdoknyülei laophülei hashongpa shompa, büpai hei epeih: “Kahvangei vangsho phongshanthü peüi büpa kü khümtuh.”

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

JOHAN 14:9

Jisui jangei, “Ngei amphong mü hajük hepak lushi nyupheikü nüngi ngei nenyingnyu je? Üpai ngei ee, büpai Opa eeteke. ‘Ham kü Opa hushih’ shei nüngi mekei enya?

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

ISAIAH 8:8

hapai Judah kü nyüpmaohangküei maoei shanhen, hatü üng thahshi longhen, hatü hapalei yang paanpai kahdokba kemei jümlanghen, Oh Immanuel.

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

JOHAN 14:28

Ngei am kü, “Ngei lüdainyeih, hatü ngei am touei peikahen” shei epü ammi danteke. Ammi ngei kü bamjema ngei Opa touei lüdaipü kü ammi bamhen; mehenangkü Opayü ngei mü longpüba.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

2 KORINT 8:9

Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.