PHILIPPI 2:3 - DAÜLANGPÜ LAIHING (BSI)

³ Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

PHILIPPI 2:3 Referans Kwoze

ROM SHAHSHA APPÜ 12:10

Aihük bamteipai hüki hük mü bamteituh; dhüm huteipü kü hüki hük mü nyeipüba nyutuh.

GALATIA 5:26

Jen hüki hük mü dokteiyei, mükhühteipai changmeiyei neleishah.

EPHESIA 5:21

Khrista kü dhüm shuohpü homei am hüki hük phangkü shüteituh.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

PHILIPPI 2:14

Dou peü nenümnümi hatü shah nelahtei-i düktuh,

GALATIA 5:15

Shejoongpa am hüki hük mü khetteiyei lühtükjema, am hüki hük homei dipü mahpü neponghen lituh.

1 TIMOTI 6:4

hayü changmeipü, danaokpü neshiüpü shejao venpü shah nangkü shah shükteihüpü hatü dokteihüpü nyüke. Henüng kübü mükhühpü, dehilao, yaüeilungpü, ten kohshi mongnelemteipü,

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

KANDOK 13:10

Changmeipai dehilao vamhünyeih, shejao mih-i venpü yahpüthü mü kihikon nyüpeih.

KOLOSI 3:8

Shejao shaang ammi hakeipü douthü peü yaktükhen vongbong: mongshih anpü, mongpuk vampü, mih kü lak shihpü, ühing itpü, ammei ju kübü veüshah epü tüktuh.

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

1 KORINT 15:9

Mehenangkü ngeiyü phongshanthü khongkü peü mü maanpü, phongshan shei nyükhen neshangpü; mehenangkü ngei Kahvangei attoi kü shüveihampeih.

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

ROM SHAHSHA APPÜ 2:8

shejao üami laophü shing mon yemnya, hatü shahhing yaktüktü mang phei münya, Kahvangi büpalei mongshih hatü mongpuk show laihen.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.