PHILIPPI 2:26 - DAÜLANGPÜ LAIHING (BSI)

²⁶ mehenangkü büpai am peü deih-ei ongyanghampeih, hatü büpa tüngpü ammi danpü nangkü büpa mongshangei nyuteke.

PHILIPPI 2:26 Referans Kwoze

PHILIPPI 1:8

Khrista Jisu bampü kü am peü nangkü ngei mekei ongyangnya ha jung Kahvangü ngelei denbü nyüke.

EPHESIA 3:13

Hanangkü ngei am shingvaishi shangpongpü kü am mong nemahhen nangkü ngei phopnyeih; hathüyü ammei müknyinshekhang.

ROM SHAHSHA APPÜ 12:15

Mongongpüthü mü mongongtuh; theppüthü mü theptuh.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

KANDOK 12:25

Mongshangpai monghumpü mahtüknyeih, shejao bampü shah-i mongdhüng vamhünyeih.

PHILIPPI 4:1

Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

ROM SHAHSHA APPÜ 9:2

Ngei kü mongmang longpü hatü nedoh-i mongkü tüngpü ngelei mongkü nyüpeih.

MATHI 26:37

Büpai Peter hatü Zebedeelei cheha nyi müei dai, hatü mongshangei shangponghen chongpang.

MATHI 11:28

Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.

MENVIH KESHO 69:20

Ne-ienelem ponghahpai ngelei mongdang mangdaiteke; hanangkü ngei mongshang kü nyunyeih. Ngei kü shinshangphahen yemjü hükao neshiü; nyiushem meiphahen yemjü hükao nedangnyu.

2 SAMUEL 13:39

Shejao mechem ongpai Amnon nangkü mahng theppü young lakpa, büpai cheha Absalom nang ongyangei deih.

1 PETER 1:6

Shaang amphong kansho hük shing dokpü longi homei shangponghen nyujao ha kü am mongongtuh.

PHILIPPI 1:3

Am deih-ei dangpü hepak ieyei kü ngei ngelei Kahvang men longnyeih,

GALATIA 6:2

Hüki hükei hanggovih koteituh, hatü hapakei dükpai Khristalei shahkungnyü jiühünyüke.

2 KORINT 9:14

Peü mü nyeipü Kahvang phahji büpai am kü shuohpü nangkü jomi am ongyangnyüke, hatü jomi am shing phopnyüke.

1 KORINT 12:26

Phaihan hük kü tüngjema, ha mü peü chemi tüngdainyeih; phaihan hük kü dhüm shuohjema, kemei hapa mü mongongnyeih.

ROM SHAHSHA APPÜ 1:11

Am wong kohhen nangkü ngei am mü laangha thintho hanei hanteihen ngei am mü ponghünyeih–

PHONGSHANTHÜ DOU 21:13

Hahepak kü Pauli, “Mehekei am thepnya hatü ngelei mongdang manghünya? Ngeiyü yepei shahahhen mon nevai, shejao Shembüpa Jisulei men kü Jerusalemei dihenao temei nyüpeih” shei jangei e.

JOB SHAHSHA APPÜ 9:27

Ngei eelapü betükshah, mongmang nevai mongong dhe jeishah shei ejao,

2 SAMUEL 24:17

Mechem Davidi nanglakthü jütükpü vangsho phongshanthü eepa, büpai Shembüpa kü “Mang thahpü hatü pungpeyü ngei hih. Nanglakthüyü mi keiha mon. Jomi mehe nejiüpü dükpa? Ngei hatü ngelei shem am kü nüngi lak hingtuh” shei e.

PHILIPPI 2:25

Shejao ngelei jeihinaü, chemi chongphopü, chemi dükpü veshan, ammei shahjang kobü hatü ngei nadang kü sheühpü Epaphroditus am touei nyokei shomhen vongbong khih shei ngei deihnyüke;

PHILIPPI 2:27

Hingmei büpa dihen mü longi tüngei nyuhampeih. Shejao mongmang hük pheikü hük neheühen shingvaishi Kahvangi büpa kü hatü büpa kü mon nevai ngei kao phahjipeih.