PHILIPPI 2:16 - DAÜLANGPÜ LAIHING (BSI)

¹⁶ Ammi yangnyu shah kü wongshongi shoungpü homei ngei angsha kü nemok, nevaijü dou nedük shei Khristalei nyih kü ngei changmeiaokhen.

PHILIPPI 2:16 Referans Kwoze

1 KORINT 9:26

Hanangkü ngei mükhong neshiüi nemoknyih, nevaijü vanglük kü shühpükei ngei nenganyih;

GALATIA 2:2

Ngei touei shakei vamei hupü nangkü ngei aongpeih, hatü ngei Kung am touei venpü shahjangmei mübüthü mon thaipü touei ngei angkü mokei nenyu nevaijü nemok shei lekhühen nangkü nih-ei eshuohpeih.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

2 KORINT 1:14

Ammi ham nang maani mon nyingnyüke; ammi ham nangkü changmeipü keiha Shembüpa Jisulei nyih kü hami am nangkü changmeihen.

JOHAN 6:68

Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.

1 THESALONIKA 3:5

Ha vaipü nangkü ngei ha nenaokpü nangkü am vaipü jung nyinghen büpa am touei shompeih; dokpü ami am kü dokpai hami dükpü dou angsha vaidaihen khih shei yingei deihküpeih.

JOHAN 6:63

Yangnyuyem shuohpeyü laangha hih; phaiyü yahlak neshiü, hatü ngei am kü epü shahthüyü laangha hatü yangnyuyem nyüke.

LUK SHAHSHA APPÜ 12:8

Shao ngei am kü enyeih, üami mih touei ngaihe-i ngei nyinghenshang, Shennyak Ha-iyao Kahvangei vangsho phongshanthü toumü büpa nyinghühen;

HEBREW 4:12

Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

1 THESALONIKA 2:19

Mechem Shembüpa Jisu yiühenshang, büpa touei hamei monglem, hamei mongong nevaijü ham müknyinshekhanghen hamei athen mehe nyuhen? Hayü amphong nevaipü je?

GALATIA 4:11

Am shingvaishi ngei dükpü dou lomoh vaidaihen khih shei yingei deihnyüke.

ISAIAH 49:4

Shejao, “Ngei angsha kü dou dükpü khih; Kong hatü angsha kü ngei ngelei wong tükpü khih” shei eshuohpeih. Shejao ngei nang ephahenü Shembüpalei lakmongei, hatü ngelei lakleiyü ngelei Kahvangei nyüpeih.

MENVIH KESHO 71:17

Oh Kahvang, nüngi ngei kü hashih mebü nyuhpeih, hatü nüngei thamapü douthü jung ngei baonghen.

SHAKEI VAMPÜ 22:17

Laangha hatü yiükjinglai enyüke, “Peikei.” hatü danpü peüi “Peikei” shei etuh. Üpai yung lenya peikei. Napü peüi yangnyu yung angkü yahhahtuh.

PHONGSHANTHÜ DOU 13:26

Ngelei jeihinaüthü, am Abraham phang kübü hühihathü, hatü Kahvang nyempü Kung shennyakthü, jen kü hapa yemleipü shahjangü shompeih.

MATHI 10:27

Ngei nyak kü am kü mehe enya, ha nyihnüng eyeishuoh, hatü mehe ammi nümei epü dannya, ha shem adokei aongei leneishuoh.

MENVIH KESHO 40:9

Ngei thaihiyu longpülei nüng daülangshemshepü jung baongnyeih; Ngei mechemao ha ne-e-i nenyu shei nüngi nyingei nyüpeih, Oh Shembüpa.

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,