PHILIPPI 2:12 - DAÜLANGPÜ LAIHING (BSI)

¹² Hanangkü ngei bampüthü, ngei nyushi mon nevai, ngei neshiüpü hepak kü nyeishi ammi düngei ngelei shah bangpükei nyemei kheüei laophülei yemleipü düklangtuh;

PHILIPPI 2:12 Referans Kwoze

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

HEBREW 4:11

Hanangkü jomi keiha ven nedanpü homei üpayao nedo-i hapa nyiushemmei kü shühen shingvaishi jeni kenshah.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

2 TIMOTI 2:10

Hanangkü nedohnetenpü müknyinshekhang mü Khrista Jisu kü jomphongao yemleipü danghen shingvaishi jepüthülei men kü ngei lemphü munennyeih.

KANDOK 13:4

Nehetpü shennyaki lemphü kü vaaüei deihnyüpeih, shejoong meheyao nedangnyih, shejao dhaümshi dükpü ami laophüi napü hüshemei dangnyüpeih.

HEBREW 4:1

Hanangkü büpalei nyiushemmei touei shühen lahpü shaang thahshi nyupü nangkü am üpaiyao hapa nethah-i nenyuhen shingvaishi jen kenhingshah.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

PHILIPPI 4:1

Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

1 THESALONIKA 1:3

jenei Kahvang hatü Pa touei ammei hinglempü dou, bampü dou, hatü jenei Shembüpa Jisu Khrista kü wongshongi monglempü deih-ei dangnyeih.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

MENVIH KESHO 119:120

Nüng kü nyempai ngelei büm kheünyüke, hatü ngei nüngei shahphenpü kü nyemnyeih.

MENVIH KESHO 2:11

Nyempai Shembüpa chongphotuh, hatü mongongpai kheütuh.

2 KORINT 7:15

Am peü ven danei nyemei kheüei büpa yahpü deih-ei büpai am peü kü bampü nyeishi nyüke.

1 KORINT 2:3

Ngei am touei wong nekohpü, nyempü hatü kheüpü kü peipeih.

EPHESIA 6:5

Aathü, amphongi Khristalei ven bangpükei kahdoknyü kübü ammei shembüthü kü nyemei kheüei mong hüki ven bangtuh;

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

KANDOK 10:16

Daülangpülei lat-ü yangnyuyem dangnyüpeih, shejao mang shennyakei lat-ü hanghi dangnyüpeih.

MATHI 11:12

Johan Baptükbülei nyih kübü shaang thahshi vangsho ongchingü shüveihah-ei peinyüpeih, hatü shüveipai wongi aokhen khenyüke.

EZRA 10:3

Hanangkü shaang jeni jenei nyüha hapeüthü peü leitükhen shei jenei Kahvang touei vangpüshuwpü hük lingshah. Hami nüngi epükei hatü Kahvangei shahkung kü nyempüthüi epükei dükhen. Kahvangei shahkung kü mongpü aimü jeni dükshah.

PHILIPPI 1:5

mehenangkü shongpü nyih kübü shaang ngoishi amphongi shahjangmei kü hean yahteke.

PHONGSHANTHÜ DOU 9:6

Shejao yaongtuh, hatü chingnyülei aongtuh, hatü nüngi mehe dükhen nüng kü ephahen” shei e.

PHILIPPI 2:19

Ammei shahjang danei ngei mongmeihen shingvaishi ngei am touei Timoti lomi shomphahen shei Shembüpa Jisu kü monglemnyeih.

1 KORINT 4:14

Ngei hapayü am veühühen shingvaishi nevai, shejao ngei bampü hapeüthü kü kei nyuhhen shingvaishi nyangnyüpeih.

PHILIPPI 4:15

Shongei shahjang meipü pangpü nyihthü kübü mechem ngei Macedonia kübü daipa, am Philippi am mü lenei üam attoiyao shuohpü hatü yahpü kü ngei mü nehantei shei ammi nyingei nyüke.

PHONGSHANTHÜ DOU 16:29

Khoklat yombüi aw deikei shei nyük, mokei shüei Paul hatü Silas nyi touei kheüei aümei khüm.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.