PHILIPPI 2:11 - DAÜLANGPÜ LAIHING (BSI)

¹¹ hatü Pa Kahvang kü müknyinshekhang shuoh-ei jubenyeijaang peüi Jisu Khristayü Shembüpa shei lahhen.

PHILIPPI 2:11 Referans Kwoze

1 JOHAN 4:15

Jisu-ü Kahvang Ha shei üami lahnya hathü kü Kahvang nyunyeih, hatü jomphong Kahvang kü nyunyeih.

ROM SHAHSHA APPÜ 14:11

Hapa nyangei nyüke: “Ngeiyü hingmei mü yemmü nyupü Kahvang shei Shembüpai enyüke. Peüi ngei touei lashüh-i shüngei aümei shahen; yei peüi Kahvang lahhen.”

JOHAN 13:13

Ammi ngei kü, ‘Nyuhbü hatü Shembüpa ‘shei nyüknyüke– amphong jiütei; mehenangkü ngeiyü ha-üng.

1 JOHAN 4:2

Ammi Kahvang Laanghayü hapai nyinghen: Jisu Khrista phai leiyei peipeih shei lahpü laangha kemei Kahvang leipü,

ROM SHAHSHA APPÜ 14:9

Ha tata kü büpayü dipü hatü yemmü nyupü nyiphenei Shembüpa vaihen shingvaishi Khrista di hatü yangei leipeih.

1 KORINT 12:3

Hanangkü ngei am kü nyinghüpeyü Kahvang Laangha homei epü üpaiyao mechemao, “Jisu kü thaüvaü hettuh!” shei ne-enyih, hatü Laangha Daülangpai nevai pheikü “Jisu-ü Shembüpa” shei üpaiyao ne-enyih.

JOHAN 14:13

Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen.

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

SHAKEI VAMPÜ 3:5

Ammi vehok neüjema, amphongao jomphong kei shola ow owhen, hatü ammei men vanyangyem laitap kübü nethittükhen; ngei ammei Opa hatü büpalei vangsho phongshanthü touei lahhen.

MATHI 10:32

Hanangkü üpai mih touei ngei lahhenshang, ngeiyao vangsholei nyupü Opa touei büpa lahhen;

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

PHONGSHANTHÜ DOU 2:36

Hanangkü Israel phang peüi ha lekei nyingtuh: Ammi shophang kü aptükpü hapa Jisu-ü Kahvangi Shembüpa hatü Messiah leihüpeih.

JOHAN 9:22

Chenyü chepai hayü Jehoda am kü nyempü nangkü eteke; mehenangkü üpai Jisu-ü Messiah shei lahhenshang Sinagog leipü changtükhen shei Jehoda ami temtüktü nyu.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

2 JOHAN 1:7

Peileipüthü longi, üami Jisu Khrista phai kü peipeih shei nyingei nelahnya, hathü kahdoknyülei yaüei daiteke; hapa keipü shennyakü peileipa hatü Khrista khüpü nyüke.

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

ROM SHAHSHA APPÜ 15:9

hatü Kung amiyao büpalei phahji nangkü Kahvang müknyinshekhanghen. Ha nyangei nyüke: “Hanangkü Kung am touei ngei nüng vihhen, hatü nüngei men vih-ei lokhen.”

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 17:1

Jisui hathü shah epheikü büpai vangsho philei ngangei veitü eteke, “Opa, hepak ngoiteke, Anha-i nüng müknyinshekhanghen shingvaishi Anha müknyinshekhanghütuh.

JOHAN 12:42

Shejoongpa longi, mübüthüao omshi büpa kü hinglem. Shejao Pharisee ami jom Sinagog leipü changshuohhen khih shei nyempü nangkü jomi hinglempü ngaiheyei nelah;

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

MENVIH KESHO 18:49

Ha tata kü jatthü khongkü ngei nüngei men vih-ei lokhen.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 13:14

Hanangkü ngei, ammei Shembüpa hatü Nyuhbüi ammei la paüjema, amphong hüki hükei la paüteihen vongbong.