PHILIPPI 1:27 - DAÜLANGPÜ LAIHING (BSI)

²⁷ Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

PHILIPPI 1:27 Referans Kwoze

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

1 KORINT 1:10

Jeihinaü hatü nyahinaüthü, shaang am peü mongjemei am khongkü hanteipü neshiüi, shejao mong hük, mükhong hük kü mongjemei nyukütuh shei jenei Shembüpa Jisu Khristalei men kü ngei am kü khümnyeih.

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

JUD SHAHSHA APPÜ 1:3

Bampü küphüthü, jeni chem kü hean yahpü yemleipü jung am kü nyanghen shei temeilemei nyushingkü denshing chem mon daülangpüthü kü shuohpü jeni vaipü nangkü vehok hokhen khih shei nyanghen hatü khümhen vongbong kei vamteke.

1 THESALONIKA 4:1

Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.

PHILIPPI 2:12

Hanangkü ngei bampüthü, ngei nyushi mon nevai, ngei neshiüpü hepak kü nyeishi ammi düngei ngelei shah bangpükei nyemei kheüei laophülei yemleipü düklangtuh;

PHILIPPI 3:18

Mehenangkü longshi shing Khristalei shophang kü vepathü kei nyunyüke; ngei düngei jom nang ehampeih, hatü shaang ngei am kü mükphi mü enyeih.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

PHONGSHANTHÜ DOU 4:32

Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke.

MENVIH KESHO 133:1

Veituh jeihinaüthü chemi mongjemshi nyuhen mekei meipa, hatü mongongpa!

JEREMIAH 32:39

Ngei jom meihen shingvaishi jomi ngei kü nyemhen nangkü mongdang hük dou hük shuohhen.

2 PETER 3:11

Hanangkü douthü lemphü hapakei mahdaihen vaipü nangkü menüng keipü daülangpü hatü Kahvang nyingpü yangnyu ammi nyuei,

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

JAKOB 3:18

Chingmei lingpüthü üami chingmei kü hainya daülangshemshepü vethen vamhünyeih.

PHILEMON 1:5

mehenangkü Shembüpa Jisu kü nüngi hinglempü hatü daülangpüthü kü bampü jung ngei dannyüpeih.

TITUS 2:10

hatü jomei douhinang kü neyomyaihen, shejao hingshangi nyupü kü den ngoipü hatü changpüshapü huhen, shejüang lemphü kü Kahvang jen Yemleipübalei nyuhpüvenpü kü doumong leiaokhen.

2 TIMOTI 4:7

Ngei vehok meipü hoktepih, ngei mokpü lemsho laitepih, ngei hinglemei nyutepih.

1 TIMOTI 1:19

hatü hinglempü nyuei mongdeih meipü nyutuh. Hapa mongdeih meipü yaktükpü homei shennyak haneiyü jom vaipü kü beneilangei leidaiteke.

1 TIMOTI 1:11

hatü ngei kü shuohpü moihimanpü Kahvangei müknyinshekhang shahjangmei kü jiüshi nyuhpüvenpü meipü khüei nyupüthü shingvaishi shahkungü lingpeih.

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

MATHI 12:25

Jomphongi mehe deih, büpai ha nyingei büpai jomphong kü, “Ongching hük laophü khüei hanpeyü dodainyeih, hatü mepa chingnyü nevaijü shemong laophüi laophü khüei hanhen neyaongaoknyih.

KANDOK 22:23

Mehenangkü Shembüpai jom khüambakei yaongkahen, hatü jomphong leipü aetpüthü leipü büpai aetlanghen.

1 THESALONIKA 3:6

Shejao shaang Timoti am toueipü leiyei ngoiteke, hatü am vaipü hatü bamteipü jung shahjangmei leiküteke. Hami am mü ponghüpükei ammi düngei ham mü ponghüpü jung büpai ekütih.

KOLOSI 1:4

Mehenangkü Khrista Jisu kü ammi hinglempü hatü daülangpüthü peü kü ammi bampü jung hami dantepih;

PHILIPPI 2:24

hatü ngeiyao lomi peikahen shei Shembüpa kü hinglemnyeih.

EPHESIA 1:15

Ammi Jisu Khrista kü hinglempü hatü daülangpüthü peü kü bampü jung ngei dantepih. Ha shojung kü,

EPHESIA 1:13

Mechem ammi shahhing shah, am yemleipü shahjangmei danpa, hatü büpa kü ammi hinglempa, büpa kü amphongao lahtükpü Laangha Daülangpai füoshang shüngteke.

GALATIA 1:7

Hapayü hingmeipü shahjangmei nevai, shejao shennyak hanei homei am jü-ühünyu khih, hatü Khristalei shahjangmei nyongnyongi leitükhen khenyu khih.

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

ROM SHAHSHA APPÜ 15:29

hatü mechem ngei am touei peihen, ngei Khristalei moihimani maei peikahen shei ngei nyingnyeih.

ROM SHAHSHA APPÜ 15:16

Kung am touei Kahvangei shahjang meipü kü ngongdou dükei Khrista Jisulei chongphobü vaihen phahji shuohpeih, shejüang Kung amei moilayü Laangha Daülangpai daütükpü, hatü yahaokbenüng leihen.

ROM SHAHSHA APPÜ 10:8

Shejao hapai mehe enya? “Hapa shah-ü am yopailei, ammei ju hatü ammei mongdangei nyüke” (lappai, hami baongpü hinglempü shah);

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

PHONGSHANTHÜ DOU 24:24

Nyih kansho hük pheikü Felix-i chenyüha Drusilla, Jehoda lapeü, mü peiyei büpai Paul nyüknüng deishih, hatü Jisu Khrista kü hinglempü nang büpai epü bangteke.

MENVIH KESHO 122:3

Jerusalemü nethe meishi yien jiüshi lingpü chingnyü.

PHILIPPI 1:5

mehenangkü shongpü nyih kübü shaang ngoishi amphongi shahjangmei kü hean yahteke.

PHILIPPI 3:20

Shejao jenei bühü heanü vangsholei nyüke, hatü jeni haleipü Yemleibüpa hük, Shembüpa Jisu Khristai omdannyüke.

PHILIPPI 4:1

Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

1 SHÜPPÜKENGPÜ 19:12

Joabi hathü kü, “Ngei neaokhen mü Aram am wong kohshi chongküjema, am peiyei ngei kü sheühtuh; amphongi neaokhen mü Ammon am longi wong kohshi chongküjema ngei peiyei sheühphahen.