PHILIPPI 1:20 - DAÜLANGPÜ LAIHING (BSI)

²⁰ Ngei ongyangpü hatü monglempeyü ngei mekei etao neveühen, shejao ngei monglongei epai yemmü nyujao nevaijü didaijao düngei nyupü keiha shaangao ngelei büm kü Khrista longei anshihhen.

PHILIPPI 1:20 Referans Kwoze

1 PETER 4:16

Shejao Khristan hük keiha am shangpongjema, hapayü veüpong kei tedeih, shejao ammi hapa men kopü nangkü Kahvang men vihtuh.

1 KORINT 6:20

Mehenangkü amphongü bhei shuohtü shakpeih; hanangkü ammei büm kü Kahvang müknyinshekhanghütuh.

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.

1 JOHAN 2:28

Shaang, maanpü hashihthü, büpa kü nyutuh, shejüang mechem büpa shakei vamhen, jen monglempü nyuhen, hatü büpa yiüshingkü jeni büpa touei veü nedanghen.

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

ROM SHAHSHA APPÜ 8:19

Mehenangkü lingpü douthüi Kahvangei hathü shakei vampü ongyangei dannyüke;

2 KORINT 10:8

Am bentükhen nangkü nevai, shejao am linghen nangkü Shembüpai shuohpü hamei wong kü ngei maani nyeishi changmeiyei nyujoong ngei hapa kü veüei nedeihpih.

2 KORINT 4:10

hamei büm kü Jisulei yangnyu lekei eehühen shingvaishi düngei hamei büm kü Jisu dipü koshi nyunyeih.

1 KORINT 7:34

hatü büpalei chudeih nyi hantü nyunyeih. Shem neyempü nyüha hatü nelayü büm hatü laangha kü daülangi nyuhen nangkü Shembüpalei dousho deihshi nyunyeih; shejao shem yempü nyühayü kahdoknyü shahhidou kü mekei etü baha mongmeihühen deihshi nyunyeih.

ISAIAH 50:7

Shembüpa Kahvangi ngei kü sheühnyeih, hanangkü ngei veü nepong. Hanangkü ngei ngelei dhe yaonglang kei leitükpeih, hatü ngei veü neponghühen shei nyingnyüpeih.

MENVIH KESHO 119:116

Ngei yemmü nyuhen shingvaishi nüngi lahpüaimü ngei yangei tuhshih, hatü ngei monglemei nyujü veü teponghüma.

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

PHILIPPI 1:14

hatü ngei khoklatei nyupü nangkü Khrista kü jeihinaüthü longshi shing nyeinya monglongei nenyemi Kahvangei shah eteke.

2 KORINT 7:14

Am nangkü ngei büpa touei changmeipeih, hatü ammi ngei mongnemanghü, shejao hami am kü epü lemphü shahhing vaipü keiha hami am nangkü Titus touei changmeipeyü shahhing nyüke.

2 KORINT 5:15

Üam yemmü nyu, hajük kü laophü shing nenyuhen, shejao üpa di hatü jom peü shing yangei lei, büpa nangkü nyuhen shingvaishi büpa peü shing diteke.

1 KORINT 15:31

Ngei nyihjeih dinyeih! Jeihinaü hatü nyahinaüthü, Khrista Jisu, jenei Shembüpa kü ngei am nangkü changmeipeyü hingshangpü.

ROM SHAHSHA APPÜ 9:33

Ha nyangei nyüke: “Veituh, ngei Zionlei nanglakthüi huluh shuohhen yaong hük, jom dohühen yaongnyü hük tuhnyüpeih; hatü üami büpa kü hinglem, neveühühen.”

ROM SHAHSHA APPÜ 6:19

Ammei nyingnyoi yangnyu wong nekohpü nangkü ngei hangkulei shah-e vanglem aimü enyeih. Mehenangkü chem hepak kü ammi ammei phaihan nedaünelangpü hatü longpüba mangei aa vaihen shingvaishi shuohpükei shaang daülangshemshepülei aa vaihen nangkü daütükhen shingvaishi ammei phaihan shuohtuh.

ROM SHAHSHA APPÜ 6:13

Mangei douhinang vaiyei mang thahhen mü hajük kü ammei phaihan teshuoh, shejao dipü kübü yangei leipü keiha laophü nyingi Kahvang kü shuohtuh, hatü nüngei phaihan Kahvang kü daülangshemshepü douhinang kei shuohtuh.

PHONGSHANTHÜ DOU 21:13

Hahepak kü Pauli, “Mehekei am thepnya hatü ngelei mongdang manghünya? Ngeiyü yepei shahahhen mon nevai, shejao Shembüpa Jisulei men kü Jerusalemei dihenao temei nyüpeih” shei jangei e.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

JOHAN 21:19

(Büpai hapayü büpa mepakei dipai Kahvang müknyinshekhanghen ha huhen nangkü eteke). Hapheikü büpai büpa kü, “Ngei phei mükei” shei e.

KANDOK 23:18

Hingmei nüng shingvaishi monglem hük nyüpeih, hatü nüng monglempü angsha nevaidaipih.

KANDOK 10:28

Daülangpüthüi monglempü kü mongong nyüpeih, shejao nemeipüthüi omdanpeyü angsha vaidainyeih.

MENVIH KESHO 119:80

Ngei veü nedanghen shingvaishi nüngei shahkung kü ngelei mongkü eela neshiüi nyuhütuh.

MENVIH KESHO 62:5

Kahvang kü mon ngelei laanghai nenmü omdannyeih; ngei monglemhenü büpa leipü mon dangnyeih.

MENVIH KESHO 25:2

Oh ngelei Kahvang, nüng kü ngei hinglemnyeih. Nüngi ngei veü teponghü; ngelei vepathüi ngei te-aokhü.

PHONGSHANTHÜ DOU 4:31

Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.

2 KORINT 3:12

Hanangkü ham kü hapa keipü monglem nyupü nangkü ham monglongshi düknyüpeih.

2 KORINT 7:4

Ngei düngei am nangkü changmeinyeih; am nangkü ngei maühepü longpü nyüpeih; ngei mong nyiushem meipai maei nyüpeih; ham shangpongpü peü kü ngei longi mongongnyeih.