PHILEMON 1:17 - DAÜLANGPÜ LAIHING (BSI)

¹⁷ Hanangkü nüngi ngeiyü nüng mü sheühteipü shei iejema, nüngi ngei yahnyu kei büpa mongongshi nyokei yahtuh.

PHILEMON 1:17 Referans Kwoze

2 KORINT 8:23

Titus nang keyü, büpayü am chongphopü kü ngei mü hean yahbü hatü chemi chongphobü; jenei jeihinaüthü nang keyü, jomphongü Khrista müknyinshekhang kü attoithülei phongshanthü.

MATHI 10:40

Üami am mongongshi yah, jomi ngei mongongshi yahnyüke, hatü üami ngei mongongshi yah, jomi ngei shompüba mongongshi yahnyüke.

PHILEMON 1:12

Ngei büpa, üpa ngelei mongdang kei nyu, nüng touei nyokei leiphünyeih.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

HEBREW 3:1

Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

PHONGSHANTHÜ DOU 16:15

Mechem pinnyü hatü jom shem peü baptükpa, pinnyüi hamphong kü, “Amphongi ngeiyü Shembüpa kü hingshangi vaipü shennyak shei nyingaokjema ham shemei leiyei nyutuh” shei ephopeih, hatü jomei leihen pinnyüi hamphong kü nyükphopeih.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 18:5

Üpai ngelei men kü hapa keipü naü mongongshi yahhenshang, büpai ngei yahnyüke.”

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

PHILEMON 1:10

Ngei ngelei hapeü Onesimus shingvaishi nüng kü khümnyeih; ngei khoklatei nyushi ngeiyü büpalei pa leipeih.

1 TIMOTI 6:2

Aathü, üam vaipü shembüthü nyüpa, jomphong kü dhüm neshuoh-i tenyu; mehenangkü jomphongao jeihinaüthü nyüke. Shejao jomi hathü meipüba kü chongphohütuh; mehenangkü jomei dou kübü nanglei dangpeyü bampü vaipüthü nyüke. Hathü dou jung nüngi jomphong kü nyuh-ei etuh.

PHILIPPI 1:7

Am peü nang hapakei deihhenü ngei shingvaishi jiüpü khih; mehenangkü am peü ngelei mongei nyüpeih; ngei khoklatei nyujao nevaijü shahjangmei nangkü khangtei shingkü nevaijü hapa nih-ei venshingkü ammi ngei mü hapa Kahvang phahji kü hean yahpeih.

PHILEMON 1:18

Büpai lemhük kü dangkao shaiphaei nevaijü lemhük hang nüng touei nyujema, ha ngei kü yüshih.