OBADIAH 1:5 - DAÜLANGPÜ LAIHING (BSI)

⁵ Yanüng gühpa am touei peijü jomi napü doulem mon gühnyu nevaipü je? Nyalingngupai vaümpüthü am touei peijü betjük dheituhtü vaümnyu nevaipüje?

OBADIAH 1:5 Referans Kwoze

JEREMIAH 49:9

Nyalingngupai vaümpüthü peijü dhei aoei netuhnyu je? Yanüng gühpa peiyei jomi napü dou mon yahtü netuhnyu je?

SHAHKÜP 24:21

Mechem ammi nyalingngupai vaümhenshang, aoei nyupü shao nyipabü shingeimüngei tevaüm; hathüyü benhayaha, hashihhathü hatü vaümnyüthü shing nyüke.

ISAIAH 17:6

Shejao olive betjük vaümshingkü, pümoungei betjük nyi jem tuhphongpükei, betjük pükaolei ali nga aophongpükei, hanei am payü aoei tuhhen” shei Shembüpa, Israel Kahvangi enyüke.

ZEPHANIAH 2:15

Hapayü monghamshi nenyemnehani nyupü chingnyü, jomei wong kü monglemei hapakei e, “Ham mon, üamao ham kei neshiü.” Mehekei shaangü yemhimak paümshing chingkow leidaipa? Ham kü peihpüleipü peüi shiinyüke, hatü ngaüm dhinyüke.

MIKA 7:1

Onyükei! ngeiyü aeipü shennyak hük pülei betjük nedangpükei, hatü nyalingngupai vü kü betjük nedangpükei khih. Nyalingngupai hatü adhajük ngei lümbenüng meheyao neshiü.

YOUNG LAI 1:1

Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

JEREMIAH 50:23

Kahdoknyü mangtükpü koaklak mekei shaangü ha mangdaipa! Jatthü khong kao mekei Babylonü lavüngtoiyei leidaipa!

ISAIAH 24:13

Olive betjük lüngi bheiyei vaümlangpü keiha, nyalingngupai dhei thailangpü keiha, hapa kahdok hatü jatthü peü mahtükhen.

ISAIAH 14:12

Nüng mekei etü vangsho leipü vüpa! Oh nepnüng litha, nepnüngei hapeü! Chem jatthü bhih-ei maanei shanshihpü nüng shaang mekei etü kahdokei shüktükpa!

2 SAMUEL 1:19

Oh Israel, nüngei müknyinshekhang kahshangei jüei shükshi nyüke! Wong kohpü hampathü mih-ei lak kü dodaiteke!

SHAKEI VAMPÜ 18:10

Pinnyü ponghahpü eeyei jom tailei yaonghen hatü ehen: “Onyükei, onyükei longpü chingnyü, Babylon wong kohpü chingnyü! Mehenangkü ghonda hük kü nüng kü shahphenpü peiteke.”

JEREMIAH 6:9

Jeiyong Shembüpai hapakei enyüke: Nyalingngupai chaei vaümlangpü keiha, Israel am peü chaei maotükhen; Nyalingngupai vaümpü shennyaki betjük vaümpü keiha, shao kaothü leipü vaümlangtuh.

OBADIAH 1:9

Oh Teman, ammei veshanthü nyemhühen, hatü Esaulei kahshangthü leipü veshanthü jütükkemhen.