OBADIAH 1:21 - DAÜLANGPÜ LAIHING (BSI)

²¹ Yangpüthüi Edom kü vanglem lemhen shingvaishi Zion kahshangei aonghen, hatü ongchingü Shembüpalei nyukahen.

OBADIAH 1:21 Referans Kwoze

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

JAKOB 5:20

Ha deih-ei dangtuh: Üami mang shennyak hük lemnyong kübü müei leihenshang, ha mang shennyakei laangha dihen kübü yanglanghen, hatü mang longi küpei tuhtüknyeih.

ZEKHARIAH 14:9

Hapa nyih, kahdoknyü peü kü Shembüpa mon ong vaihen; Shembüpa hük mon nyuhen, hatü büpalei men mon chongkahen.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

1 TIMOTI 4:16

Nüngi laophülei yangnyu, hatü nüngi nyuhpüvenpü kü kenhingtuh. Hathü dou nedoh-i düktuh; mehenangkü nüngi hathü dükjema, nüng hatü nüngi epü bangpüthü nyiphen yanghen.

MENVIH KESHO 22:28

Mehenangkü vanglem lemhenü Shembüpalei; hatü büpai jatthü kü vanglem lemnyeih.

LUK SHAHSHA APPÜ 22:30

shejüang ammi ngelei ongching kü ngelei nükdülei hahhen yinghen aokhen, hatü ammi Israel jat anpünyi kü shahphenei uohen.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

ISAIAH 19:20

Hathüyü Ijip kahdok kü Jeiyong Shembüpalei nyangeihepü hük hatü denpü nyuhen. Mechem jomei vepathüi shüveipü nangkü jomi Shembüpa kü nyükhen, büpai jom khüambakbü, jom yangbü hük shomhen, hatü büpai jom yanglanghen.

SHAHPHENBÜTHÜ 2:16

Hahepak kü Shembüpai jom aetpüshepüthülei lak kübü yanghen shingvaishi shahphenbüthü jeteke.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.

SHAKEI VAMPÜ 19:6

Hapheikü ngei khongnyü longpülei ngeü kei, yungmok ngeü kei, hatü klang vangteng ngeü kei lenei epü ngei hapakei danteke: “Halleluyah! Mehenangkü jenei Shembüpa, Jeiyong Kahvangi vanglem lemnyeih.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MATHI 6:10

Nüngei ongching peikei. Vangsholei keiha kahdoknyü leiyao nüng mong vaituh.

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

DANIEL 12:3

Kenhingpüthü vangsho nyangnyangpükei nyahen hatü üami mih longi daülangshemshepü touei müei lei, hathüyü denden kü lithathü kei nyaahen.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 2:35

Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

MENVIH KESHO 102:15

Jatthüi Shembüpalei men kü, hatü kahdoknyü ongthüpeüi büpalei müknyinshekhang kü nyemhen.

2 ONGPATHÜ 13:5

Shembüpai Israel am kü jom yanghen nangkü yangbü hük shuoh, hatü Aram amei lakmong kübü yangteke. Hanangkü shongei kei-üng Israel am jomei shemei nyu.

SHAHPHENBÜTHÜ 3:9

Shejao mechem Israel ami Shembüpa kü lenei phoppa, Shembüpai jom yanghen shingvaishi Kenazlei cheha, Kalebei chenaü Othniel shahphenbü shomei jom yangteke.

NEHEMIAH 9:27

Hanangkü nüngi jom kü nyemshüvei shei jomei vepathü kü shuoh. Shejao mechem jom shüveipü ponghahpa, jomi nüng kü lenei nyük. Vangsho leipü nüngi jom nyükpü dan, hatü nüngi phahjipai vepathülei lak kübü yanghen yangbü hük shuoh.

MENVIH KESHO 47:7

Mehenangkü Kahvangü kahdok peü shak kü ongpa; menvih kesho-i büpa vih-ei loktuh.

MENVIH KESHO 67:4

Jatthü mongonghütuh, hatü mongongpai kesho lokhütuh; mehenangkü nüngi jatthü shahhing kü vanglem lemnyeih, hatü kahdoknyü jatthü münyeih.

KAHBHAO 25:23

Shembüpai pinnyü kü e: “Nüngei vomei jat nyi nyüke, nüngi bühpü jat nyi laolao yanhen; Hükü hükpa mü wong kohpüba, chejei-i chenaü chongphohen.”

MENVIH KESHO 22:29

Changmeipüthü peüi büpa kü khümhen, hatü yemmü nenyui kahmongei shüei nyupüthüi büpa kü aümei khümhen.

ISAIAH 24:23

Hahepak kü lennyü manghdaihen, vanghenyü nenyahen; mehenangkü Jeiyong Shembüpai Zion Kahshang, hatü haleipü mübüthü shak kü müknyinshekhangshi vanglem lemhen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.