OBADIAH 1:12 - DAÜLANGPÜ LAIHING (BSI)

¹² Anaü lomohpü nyih kü ammi naamei neveihah shepeih, nevaijü Judah nanglakthü mah pongpü nyih hüha shei nedeihhen vaipeih, nevaijü jom ponghahküpü nyih kü am nechangmeihah shepeih.

OBADIAH 1:12 Referans Kwoze

MIKA 4:11

Shejao shaang jat longi nüng khüei nyüke. Jomi, ‘Jerusalemü nyemmahdai, hatü jenei müki hapa chingnyü lomohpü kü veihen’ shei enyüke.

EZEKIEL 35:15

Mechem Israel jat amei mükjüp lavüngtoiyei nyupa, am mongongpeih; hanangkü ngei hapa dükhen. Nüng lavüngtoiyei tuhhen, Oh Seir Kahshang, nüng hatü Edom kemei. Shejüang ngeiyü Shembüpa khih shei jomi nyinghen.”

KANDOK 17:5

Üami taopathü kü yaüeilungnya, jomi hathü Lingbü kü yaünyüke; Üami mih lomohpü kü hüha shei deihnya, jom nehanghi-i nenyupih.

1 SAMUEL 2:3

Hajük ahshi changmei shah te-e; nüngei ju kübü changmei shah tevamhü; Mehenangkü Shembüpayü kihikon Kahvang, hatü büpai dükpü douthü peü doknyüpeih.

2 PETER 2:18

Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

JUD SHAHSHA APPÜ 1:16

Ha shennyakthüyü nümnümpü hatü mih-ei mang yempüthü; jomi mangi vaüpü lem kü münyüke; jomi bom bhaopükei shah enyüke, hatü jom vangmeihen tata kü mih yawhlangnyüke.

MENVIH KESHO 37:13

shejao Shembüpai nemeipüthü kü nyinyeih, mehenangkü jomei nyih ngoiteke shei büpai nyingei nyüke.

MENVIH KESHO 31:18

Daülangpüthü khüei changmeipai nyonghüei shahshem epüthülei ju nentükhütuh.

MENVIH KESHO 22:17

Ngelei vangtao peü ieaoknyüke; jomi ngei kü mük taangei veinyüke, hatü hahtüknyüke.

JOB SHAHSHA APPÜ 31:29

Ngei kü jiühitpüthü lomohpü eetü ngei mongongei nyujema, nevaijü shanghah pongpü eetü ngei phaukteiyei mongongjema;

SHAKEI VAMPÜ 13:5

Hapa yemha kü changmei shah ehen, hatü Kahvang kü thaüvaühen ju shuoh, hatü hapayü len pinyipünyi thahshi wong nohen shuoh.

JAKOB 3:5

Hapa keiha yeiyü maanpü phaihan hük, shejao hapai longi awdanyeih. Maanpü awlah-i mekei longpü jahpan hahtüknya deih-ei dangtuh.

LUK SHAHSHA APPÜ 19:41

Büpai Jerusalem ngoijü chingnyü eeyei ha nangkü thep,

YOUNG LAI 4:21

Mongongteituh, Oh Edom nelathü, am Uz kahdokei nyupüthü, Shejao amphong kao hapa yungshong peikahen, hatü am hapai chokei bümkong shükshi nyuhen.

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

MENVIH KESHO 92:11

Ngelei müki vepathü dodaipü eeteke, ngelei dhaongi ngei küten dükpüthü mahpü dantepih.

MENVIH KESHO 59:10

Ngelei Kahvang büpa bampai ngei mü ponghen; ngelei Kahvangi ngelei vepathü kü aokpü dangpü kü veihühen.

MENVIH KESHO 54:7

Mehenangkü büpai ngei shanghah peü kübü yangteke, hatü ngelei mükivepathü kü neütüktü veinyüpeih.

JOB SHAHSHA APPÜ 18:20

Heong heshü kübü shennyakthüi büpa ponghahpü danei thamahen hatü nyemhen.

MENVIH KESHO 35:15

Shejao mechem ngei shanghah pongpa, jom peü mongongshi thaiyei ngei khüei eelapeih. Ngei nenyingpü shennyaktenthü peiyei nedoh-i ngei kü lak shihpeih.

YOUNG LAI 2:16

Nüngei vepathü peüi nüng khüei jomei ju kanyüke; Jomi jomei bha vükei, hümei, “Hami pinnyü neütüktih! Ham omdanei nyupü nyih-ü ha hih, hatü hami hapa eetepih!” shei lennyüke.

EZEKIEL 35:12

Shejüang ammi Israel kahshangthü vüshih-ei epü ngei, Shembüpai danteke shei ammi nyinghen. “Jomü lavüngtoiyei nyupeih, hatü jeni jom lühtükhen shuohpeih” shei ammi eteke.

EZEKIEL 36:5

Shembüpa Kahvangi hapakei enyüke: Ngei mongshih wong kempai lebü jatthü hatü Edom am kempü kü khüei ha enyeih. Mehenangkü jomi naamnyi nyiyei mongongei hatü yaüeilungei ngelei kahdok hatü haleipü yinghilong kaamlangpeih.