OBADIAH 1:10 - DAÜLANGPÜ LAIHING (BSI)

¹⁰ Anaü Jakob khüei hokpü nangkü, am veüi jümhühen; am denshing mahtükhen.

OBADIAH 1:10 Referans Kwoze

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.

EZEKIEL 35:9

Ngei am den kü lavüngtoiyei tuhphonghen; ammei jilathü kü shennyak chingchingei nenyuhen. Shejüang ammi ngeiyü Shembüpa khih shei nyinghen.’ ”

MENVIH KESHO 89:45

Nüngi büpalei nethe den shohtük; nüngi büpa veüpongi jümhü.

KAHBHAO 27:41

Shaang chepai Jakob kü moihiman shuohtükpü nangkü Esau-i Jakob kü jiühit, hatü Esau-i büpa nyingi, “Opa dihen nyih ngoikünyüke; hahepak kü Jakob jühen” shei deih.

MENVIH KESHO 137:7

Oh Shembüpa, Edom ami Jerusalem dopü nyih, “Shaaktüktuh! Chongnyiam omshi shaaktüktuh!” shei khüei epü deih-ei dangtuh.

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.

JOEL 3:19

Shejao Ijipü shingkong leihen, Edomü bhih kahdok leidaihen; Mehenangkü jomi Judah kahdok hahteke, hatü mang neshiüpü nanglakthü jüteke.

EZEKIEL 7:18

Jom peü dhoila ashak ümhen, nyempai jümtü nyuhen. Jomei dhe veüpai jümtü hatü jomei sho chaei kuptüktü nyuhen.

YOUNG LAI 4:21

Mongongteituh, Oh Edom nelathü, am Uz kahdokei nyupüthü, Shejao amphong kao hapa yungshong peikahen, hatü am hapai chokei bümkong shükshi nyuhen.

JEREMIAH 51:51

“Ham veü pongteke, ham kü yaüteke, hatü veüpongi hamei dhe kü jümteke; mehenangkü kung ami Shembüpalei shem kü daülangpü shingthülei shüteke.”

JEREMIAH 49:13

Bozrah-ü nyemao nyemshi leihen hatü nyembenüng dou, eelanyongnya, thaüvaüthemthe dou leitükhen ngei nyingi lahtepih shei Shembüpai enyüke, hatü hapa jilathü peü den kü bentüktü yakphonghen.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

MENVIH KESHO 132:18

Büpalei vepathü kü ngei mongmang owhühen, shejao büpalei athen kü vangngai nyahühen.”

MENVIH KESHO 109:29

Ngei kü thaüvaüpüthü mongmangi jümhütuh; jomei veüpong büm-ow keiha owhütuh.

MENVIH KESHO 69:7

Nüngei men kü ngei ne-ienelempü pongtepih, veüpai ngelei dhe jümlangteke.

KAHBHAO 27:11

Shejao Jakobi chenyü Rebekah kü, “Veituh, ojei Esau-ü hangmum kohshi nyüke, shejao ngelei hangshuwü nyülüki nyüke.

SHAHKÜP 23:7

Ammi Edom am tetuhphong; mehenangkü jomü ammei jeihinaüthü khih. Ammi Ijip am teyakphong; mehenangkü am jomei kahdokei lakeiloiyei nyuhampeih.

2 SHÜPPÜKENGPÜ 28:17

Edom am shao peiyei Judah hah, hatü neütük hatü shennyak longi yepei dai,

KANDOK 10:6

Daülangpülei shangjing kü moihiman athen thennyüpeih, shejao nemeipü amei jukü ten jaoei tuhnyüpeih.

SHAHKÜP 23:8

Denshem jempabü kü jomei hühihathüi Shembüpalei nanglak khongkü omhen aok.

KANDOK 17:5

Üami taopathü kü yaüeilungnya, jomi hathü Lingbü kü yaünyüke; Üami mih lomohpü kü hüha shei deihnya, jom nehanghi-i nenyupih.

JEREMIAH 12:14

Ngei ngelei nanglak Israel am kü shuohpü kahdok mangtükpü Israel amei chingyowthü kü Shembüpai ha enyüke: Ngei jomphong jomei kahdok leipü bhitükhen hatü jom toueipü Judah am yanglanghen,

YOUNG LAI 4:22

Oh Zion nela, ammei mang lat hanghipü dohdaihen, Büpai am hajük kü küpei netuhhen. Shejao ammei mang nangkü, Oh Edom nela, büpai am hanghihühen, büpai ammei mang shakei ngaihen.