OBADIAH 1:1 - DAÜLANGPÜ LAIHING (BSI)

¹ Hapayü Obadiahlei manghkhang– Jeiyong Shembüpai Edom am nang hapakei enyüke: “Hamphongi SHEMBÜPAleipü shahjang hük dantepih, hatü jatthü touei phongmokbü hük shomei eteke: Layaongtuh, hatü jeni Edom am khüei hokshah!”

OBADIAH 1:1 Referans Kwoze

JOEL 3:19

Shejao Ijipü shingkong leihen, Edomü bhih kahdok leidaihen; Mehenangkü jomi Judah kahdok hahteke, hatü mang neshiüpü nanglakthü jüteke.

ISAIAH 30:4

Jomei lakchongbüthü Zoanei nyujao, hatü jomei lembü Hanez ngoijao,

ISAIAH 21:11

Edom am nangkü epü shah: Hanei ami Seir leipü ngei kü nyüknyüke, “Yombü, mechem-üng vangnyak peihdaiphahen? yombü, mechem-üng vangnyak peihdaiphahen?”

MENVIH KESHO 137:7

Oh Shembüpa, Edom ami Jerusalem dopü nyih, “Shaaktüktuh! Chongnyiam omshi shaaktüktuh!” shei khüei epü deih-ei dangtuh.

MARK 13:7

Mechem ammi vehok vampü ngeü hatü vamhen shahjang danhenshang, am tenyem; hayü vamküshasha, shejao dohpü ngoihen shao-üng nyüpeih.

MATHI 24:6

Amphongi vehok hokpü ngeü hatü vehok shahjang danhen; shejao am mongteshang; mehenangkü hayü vamküshasha, shejao dohpü ngoihen shao-üng nyüpeih.

MIKA 2:13

Kahvangi jom shing lem aphen, hatü wüpküp leipü müei jom shekü daihen. Jomi chingnyü penyü shaden apei daiyei bhashahshi longteihen, jomei ongpa, Shembüpai jom müei ngailanghen.

JEREMIAH 51:46

Kahmük kü shahjang lemmü lemmü danshingkü tenyem; Shenüng shahjang hük ngüvang hük shei kahmük kü dehilao shahjang, hatü ong hüki ong hük khüei hokhen shahjang danhen.

JEREMIAH 25:21

Edom, Moab hatü Ammon;

JEREMIAH 25:17

Hanangkü ngei Shembüpalei lak leipü yiüshong yah, hatü büpai ngei shompü jatthü kü ha yingteke.

ISAIAH 21:12

Yombüi jangei enyüke: “Nepnüng dhom peikünyüke, shejao vangnyakao peikünyüke. Nüngi phehüjema shao nyokei leiyei phetuh.”

KAHBHAO 25:30

Büpai Jakob kü, “Ngei aeiyei hih; hanangkü hapa hakpüh-i müptükpü phai maani yahshih” shei e. (Hanangkü büpa kü Edom shei nyükpeih.)

KAHBHAO 36:8

Hanangkü Esau (hapayü Edom) Seir phaüshang kahdokei nyu.

KAHBHAO 36:9

Hathüyü Seir kahdokei nyupü Edom amei bü, Esaulei hühihathü nyuteke.

EZEKIEL 35:1

Shembüpalei shah ngei touei peiteke: