NEHEMIAH 9:8 - DAÜLANGPÜ LAIHING (BSI)

⁸ Büpalei mongdangi nüng kü hinglempü nüngi nying, hatü nüngi büpalei hühihathü kü Kanan, Hit, Amor, Perizz, Jebus hatü Girgash amei kahdok shuohhen büpa mü vangpüshuwpü lingteke. Nüngi lahtükpü lakshing tuh; mehenangkü nüngü shahhing nyüke.

NEHEMIAH 9:8 Referans Kwoze

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

KAHBHAO 15:6

Abrami Kahvang kü hinglem, hatü Kahvangi büpa kü hingshangpü shennyak shei ieyeilem.

JOSHUA 23:14

“Sheyü ngei shaangü didaihen mon aoteke. Shembüpa, ammei Kahvangi am kü lahpü meipü hükao neshai-i dhaümteke shei ammei müki mongi eeteke; lahpü kemei dhaümteke, hükao neshaidaiang.

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

HEBREW 11:17

Kahvangi Abraham kü dokshingkü hinglempai büpai Isak jakpü moila shuoh. Üpai lahtükpü dang, büpai hashong moilom moila shuohtükhen mü nyu.

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

PHONGSHANTHÜ DOU 13:22

Saul dohtükpheikü büpai David yah-ei jomei ong vaihüpeih. Büpai büpa nang hei e: “Ngelei mongi napükei ngei Jesselei cheha David dangteke; ngei dükhahhüpü dou peü büpai dükkahen.”

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

JOSHUA 11:3

heshü hatü heongphi kü nyupü Kanan am, Amor am, Hit am, Perizz am, hatü phaüshang kahmük kü nyupü Jebus am, hatü Mizpah kahdok Hermon Kahshangla kü nyupü Hiv am touei shah shom.

JOSHUA 9:1

Mechem Jordan yungdang heshüphi kahshang hatü kahshangla hatü Mediterranean yungkung kahjishong kübü Lebanon apshaphi thahshi nyupü Hit, Amor, Kanan, Perizz, Hiv hatü Jebus ongthüi Israel ami vehok neüpü jung danpa,

SHAHKÜP 26:3

Hahepak kü chongphoei nyupü ngongpa kü peiyei, “Jen kü shuohhen shei Shembüpai jenei bühipa kü lahpü kahdokei ngei shinnyih nyunyüpeih shei baongnyüpeih” shei ehen.

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

MÜLANGPÜ 3:17

Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

MENVIH KESHO 116:5

Phahjipü hatü daülangpeyü Shembüpa; jenei Kahvangü phahjinyeih.

BHEI-IE 13:29

Amalek am Negebei nyunyu khih; Hit, Jebus hatü Amor am phaüshang kahdokei nyunyu khih; hatü Kanan am Mediterranean Yungching hatü Jordan yungyen yungkung kü nyunyu khih” shei ejateke.

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

2 SAMUEL 22:31

Kahvangei lemü changpüshapü; Shembüpalei shah-ü mong yangbenüng. Büpa kü loipüthü peü kü büpayü inyüshung.

1 SHÜPPÜKENGPÜ 1:14

Jebus, Amor, Girgash,

1 SHÜPPÜKENGPÜ 16:16

Büpai Abraham mü vangeishuwpü hatü Isak mü lahteipü deihnyüpeih.

EZRA 9:15

Oh Shembüpa, Israel Kahvang, nüngü shahhing! Shinnyih nüngi ham yangei tuhteke. Hamei mang nüng kü lahnyüpeih; ham nüng touei peihen jiüpü neshiüpih” shei phopei e.

NEHEMIAH 9:33

Ham kü dhaümpü peü kü nüngü shahhing nyuhampeih, nüngi jiüshi dükpeih, shejao hami nejiüi dükpeih.

EZEKIEL 33:24

“Shennyak ha, Israel kahdokei lavüngtoiyei yakphongpü shingthü kü nyupüthüi hapakei enyüke, ‘Abrahamü shennyak hük mon nyu, shejao kahdok kemei büpa kü shuohpeih, shaang jen longi nyüke hanangkü hingmei hapa kahdokü jenei vaihen shuohpeih.’ ”