NEHEMIAH 9:25 - DAÜLANGPÜ LAIHING (BSI)

²⁵ Jomi penyü showtükpü chingnyü hatü kahcheü kohpü kahdok yahhü, nüngi doumeinangmei-i maei nyupü shemthü, yungkuk meishi shotükpü, nyalingngupai kah, olive kah hatü betjük püthü changshi nyupü kaamei yahhü. Jomi moh-ei hahtü nitei nüng meipü nangkü jom mongong.

NEHEMIAH 9:25 Referans Kwoze

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

NEHEMIAH 9:35

Jomi nüngei ongching kü nüngi shuohpü shingmeiphangma kü kahcheü kohpü kahdok kü mei dangei mongongshi nyushing kao jomi nüng chongnepho nevaijü jomei mang lem kübü mong nelep.

SHAHKÜP 3:5

Ha jilathü kemei pe longi shaoshi showtük hatü penyüsha lingei nyiam yah-ei shalat lingtüktü nyuteke; ha mü chemi penyü neshowpü jilathüao longi nyuteke.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

EZEKIEL 20:6

Hapa nyih ngei jomphong kü Ijip kahdok leipü ngei jom shing yempü kahdok, amma hatü nyahjiü mon yenpü, kahdok peü shak kü müknyinshekhangpü kahdokei müei leihen lahpeih.

1 ONGPATHÜ 8:66

Nyihphei büpai nanglakthü kemei leitük; jomphongi ongpa kü menvih shuohtü mongongshi shemei leidaikem; mehenangkü Shembüpai doumei kemei büpalei chongphobü David hatü büpalei Israel nanglakthü kü dükteke.

SHAHKÜP 32:13

Büpai jom phaüshang kahdok shaopülei nyükteke, hatü kahdok kü vampü betjüki jom haümteke. Büpai jom yaong kübü nyahjiüi, hatü yaonglang kübü olive mainga-i haümteke.

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

JEREMIAH 31:14

Ngei ngongpathü hahying meipai mahühen, hatü ngelei nanglakthü ngelei moihimani maei nyuhen shei Shembüpai enyüke.”

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

MENVIH KESHO 65:11

Vangbong kü nüngei moihimani mahünyüke; ammei khari-i hapa maei aühshi konyüke.

KANDOK 30:9

Hei nevaijema, ngei longi anghen, hatü nüng yakphonghen khih, hatü “Shembüpayü üpaang?” shei ehen, nevaijü ngei taoei tuhjema ngei gühhen hatü ngelei Kahvangei men dhüm neshiüi leitükhen khih.

ISAIAH 63:7

Shembüpalei phahji yahyang douthü jung ngei ehen; Büpai ham kü dükpü lemphüli shingvaishi ngei büpa kü menvih shuohhen. Büpai Israel nanglakthü kü longi moihimanteke, hatü phahji longi huteke.

DANIEL 11:24

Shahvüng neshuohpü kü büpai peü mü shemmei ongching hahtükhen, hatü büpalei bühipa üpaiyao nedükpü dou dükhen. Büpai büpa phei müpüthü kü vehok kü aetpüshepü, gühpükaaipü mophimothü hanhen. Büpai chingnyü penyüshathü benhen küpjan linghen, shejao lomi büpalei hepak kemdaihen.

SHAHKÜP 32:14

Mohoh kübü ammathi, hatü mi kübü amma, Bashan leipü mi hi yum hatü mohoh cheü-i, hatü wheat hah meipai haümteke. Nyalingngupai kübü yiüji meipü ammi yingteke.

1 ONGPATHÜ 14:9

shejao nüng she kübü vanglem lempüthü peü mao nüngi-üng longpü mang thahteke, hatü ngei ngaümpheilei yakphongtü lebü kahvangthü, hatü lajeithü lingei ngei mongshihhü.

MENVIH KESHO 105:44

Büpai jom kü jatthülei kahdok shuoh, hatü jomi jatthülei mop kemei yah.

JEREMIAH 2:7

Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”