NEHEMIAH 9:2 - DAÜLANGPÜ LAIHING (BSI)

² Israel li kübü vampüthü peü kung shennyak kübü yanei hayaoha yaongtü bühipai thahpü mang lah-ei phop.

NEHEMIAH 9:2 Referans Kwoze

NEHEMIAH 13:3

Mechem nanglakthüi hapa shahkung danpa, jomi kung am peü khaattükkem.

EZRA 10:11

Hanangkü shaang Shembüpa, ammei bühipalei Kahvang kü mang lahtuh hatü büpai mongpü düktuh. Am shonei nyupü nanglakthü hatü ammei nyühathü mü yantuh” shei e.

NEHEMIAH 13:30

Hapakei ngei hathü kung amei nedaünelang peü kübü daühü, hatü ngongpathü hatü Levi am peü laophü laophülei dousho kü yaonghüpeih;

DANIEL 9:20

Mechem ngei shah eyei, phopei, ngelei mang hatü ngelei nanglakthülei mang lah-ei, hatü Shembüpa, ngelei Kahvang kü büpalei daülangpü Phopshem nangkü ngei phopei nyupa,

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.

MENVIH KESHO 144:11

Mangpü yannah kübü, hatü kung amei lak kübü ngei yangtuh. Jomei jui shahshem enyüke, jomei lakdah-i lueilemei düknyüke.

EZRA 9:2

Mehenangkü jomi ha amei yiükhathü laophülei nyüha vaihen hatü hapeüthü shing yiük yahteke. Hapa keiha daülangpü li jom kü shonei nyupü nanglakthü mü vukdaiteke, hatü hapa hingnelempü dousho kü mübüthü hatü lakchongbüthüi mütü huluh shuohnyüke shei eteke.

ISAIAH 2:6

Nüngi nüngei nanglak Jakob am phang tuhphongteke. Hih, jomü heongphi leipü thibüthüi maei nyüke, hatü Philistia am keiha lashüh dokpüthü maei, hatü kung shennyakei vanglemthü kü lakhüngei düknyüke.

MENVIH KESHO 144:7

Shangphi leipü nüngei lak yiüei ilangmong kübü, hatü kung amei lak kübü yangtuh;

NEHEMIAH 1:6

shaang ngei nyakhingai thüngei nüngei chongphopüthüi Israel nanglakthü shing, nüng khüei Israel ami thahpü mang lah-ei phopnyüpeih; nüngei dhaong shaangshih, nüngei müki veishih hatü ngei phoppü danlangshih. Ngei hatü ham shemi mang thahteke.

EZRA 9:15

Oh Shembüpa, Israel Kahvang, nüngü shahhing! Shinnyih nüngi ham yangei tuhteke. Hamei mang nüng kü lahnyüpeih; ham nüng touei peihen jiüpü neshiüpih” shei phopei e.

1 ONGPATHÜ 8:47

jomi jom wüpküpei nyushi mong yeiyaei mong lepei vepa kahdokei nüng kü phopei, “Ham mang thahteke, nejiüi dükteke; hami nemei-i dükteke” shei ejema;

EZRA 6:21

Hanangkü wüpküp leipü leipü Israel ami hapa mo hah, hatü Shembüpa, Israel Kahvang kü khümhen shingvaishi lebü jatthülei nedaünelangpü dükhiling kübü yanei nyu, hathüiyao hapa mo hahteke.

EZRA 9:1

Hathü dou peü dükpheikü, mübüthü ngei touei peiyei, “Israel nanglakthü mü ngongpa hatü Levi am omshi jom mü chingyow yowpü Kanan, Hit, Perizz, Jebus, Ammon, Moab, Ijip hatü Amor am hatü jomei jiühitnalai dükhiling kübü hayaoha yanei nenyunyu” shei ephüteke.

NEHEMIAH 10:28

Ham Israel nanglakthü, ngongpathü, Levi am, peshaden yompüthü, kesho lokbüthü, phopshemei chongphopüthü, hatü Kahvangei shahkung banghen shingvaishi kung shennyakthü kübü yanei nyupüthü, danaokhen mü kon kohpü hamei nyüha hapeüthü peü,

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 14:20

Hami hamei mang hatü hamei bühipalei mang nyingei peiteke, Oh Shembüpa; mehenangkü nüng khüei hami mang thahteke.

NEHEMIAH 10:29

hamei jeihinaüthü, mübüthü mü chemi ham nyingi thaüvaü hüki shaei yahtü Kahvang chongphobü Mosa homei shuohpü Kahvangei shahkung kü mühen, hatü Shembüpa, hamei Shembüpai epü shahkung hatü vanglemthü peü ven bangei dükhen shei lahnyeih.