NEHEMIAH 9:10 - DAÜLANGPÜ LAIHING (BSI)

¹⁰ Nüngi yashanpü nyangeihepü, thamapü douthü Pharaoh, büpalei lakchongbüthü hatü jomei nanglakthü khüei shom; mehenangkü Ijip ami meshük changmeiyei hathü kü nemei-i dükpa, ha nüngi nying. Nüngi laophü shing menmei linghah, ha shinnyih thahshi nyüke.

NEHEMIAH 9:10 Referans Kwoze

DANIEL 9:15

“Shaang, Oh Shembüpa, nüngei laklu wong longpai ham Ijip leipü mülangpü hatü shinnyih thahshi nüngei men nemahnechah-i tuhpü Kahvang, hami mang thahteke, hatü hami nejiüpü dükteke.

JEREMIAH 32:20

Nüngi Ijiplei yashanyale hatü nyangeihepü huteke, hatü shinnyih thahshi Israel hatü hangkuli peü kü nüngei men nedoh-i nyupü nyinghüteke.

ISAIAH 63:14

Mohohthü kahjishongei müei yiüpü keiha, jom kü Shembüpalei laanghai nyiushemmei shuohpeih. Hapa keiha nüngi laophülei men müknyinshekhanghühen shingvaishi nüngi laophülei nanglakthü mülangpeih.

ISAIAH 63:12

Mosalei lakdah philei laophülei müknyinshekhang laki ngan shompü, hatü nedohnetenpü menmei danghen nangkü jom toueiyungching hantükpü,

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

MÜLANGPÜ 5:2

“Ngei büpalei ven bangei Israel am leishihhenü üpa Shembüpa ang? Shembüpa, üpa shangkü ngei nenying hatü ngei Israel am neleishihpih” shei Pharaoh-i e.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

ROM SHAHSHA APPÜ 9:17

Mehenangkü Laihingi Pharaoh kü hei eteke: “Ngelei men kahdoknyü peülei baonghen nangkü nüng kü ngelei ngan huhühen mükhong kü ngei nüng longei anshihpeih.”

PHONGSHANTHÜ DOU 7:36

Büpai Ijiplei, Hakla Yungchingei hatü jahpanei vangbong pinyi thahshi thamapü hatü nyangeihepü douthü dükei büpai jom müei lüdaipeih.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

MÜLANGPÜ 7:1

Hahepak kü Shembüpai Mosa kü, “Veihümao, Pharaoh touei ngei nüngü Kahvang kei leihühen hatü anjei Aaronü nüngei thibü vaihen.

MÜLANGPÜ 3:20

Hanangkü ngei ngelei lak noei ngelei yashanyale dou peü dükei Ijip am kü bheihen; hapheikü büpai am deishihhen.

MÜLANGPÜ 9:16

Shejao nüng kü ngelei nganhilong huhen, hatü kahdoknyü peü touei ngelei men baonghühen nangkü mon ngei am nemahtüki tuhpeih.

NEHEMIAH 9:16

Shejao jom, hamei bühipathüi changmei, hatü jomei ngaümvang haüei nüngei shahkungthü nebang;

NEHEMIAH 9:29

Nüngi jom kü nüngei shahkung banghen shahvüng shuoh, shejao jom changmeiyei nüngei shahkung nebang. Nüngei shahkung banglang meyü yemmü nyuhen vaipü yah-ei jomi ha khüei mang thah. Mongdang vaanei ngaümvang haüei jomi nüng toueipü lüdai hatü epü shah neyah.

SHAHKÜP 7:19

Ammei müki eeshi nyembenüng chamhilem, yashanyale, thamapü dou dükpü hatü Shembüpalei wong longpai am müei leipü deihtuh. Ammi shaang nyempü shennyakthü peü kü Shembüpa, ammei Kahvangi aihük mü dükkahen.

ISAIAH 42:20

Amphongi douthü longi eeteke, shejao ha nyingei neyahnyu; danhen dhaong kohshi nyüke, shejao meheyao nedannyu.